Arngunnur Árnadóttir
Arngunnur Árnadóttir er fædd árið 1987.
Hún lauk stúdentsprófi frá Menntaskólanum í Reykjavík og framhaldsnámi í klarínettuleik frá Hochschule für Musik Hanns Eisler í Berlín.
Haustið 2012 hóf Arngunnur störf sem fyrsti klarínettuleikari Sinfóníuhljómsveitar Íslands.
Fyrsta ljóðabók hennar, Unglingar, kom út hjá Meðgönguljóðum, ljóðaseríu Partusar, árið 2013. Hún hlaut nýræktarstyrk frá Miðstöð íslenskra bókmennta árið 2015 og hefur birt ljóð í safnritunum Ljóð í leiðinni og Konur á ystu nöf, sem og í tímaritunum Stínu og Words Without Borders.
Fyrsta skáldsaga Arngunnar er Að heiman sem kom út hjá Partusi 2016. Bókin er kynslóðarsaga skrifuð í ljóðrænum stíl. 2018 sendi Arngunnur frá sér ljóðabókina Ský til að geyma sem er ort á fallegan og einlægan hátt. Í henni er meðal annars að finna tregablandna eftirsjá eftir tíma og fólki sem rennur ljóðmælanda úr greipum.
Heimild: Vefsíða Partusar
Ritaskrá
- 2018 Ský til að gleyma
- 2016 Að heiman
- 2013 Unglingar
Verðlaun og viðurkenningar
- 2015 Nýræktarstyrkur Miðstöðvar íslenskra bókmennta