Áslaug Jónsdóttir
Áslaug Jónsdóttir fæddist þann 31. mars 1963.
Hún ólst upp á bænum Melaleiti í Melasveit í Borgarfirði. Hún lauk stúdentsprófi frá Menntaskólanum við Hamrahlíð 1983 og stundaði síðan nám við Myndlista- og handíðaskóla Íslands frá 1984 - 1985. Áslaug nam við Listiðnaðarskólann í Kaupmannahöfn (Skolen for Brugskunst - Danmarks designskole) frá 1985 - 1989 þegar hún útskrifaðist frá teikni- og grafíkdeild skólans. Auk þess hefur hún tekið þátt í námskeiðum í Bandaríkjunum, Svíþjóð og á Íslandi.
Frá því að hún lauk námi hefur Áslaug starfað sem bókverkakona: myndskreytir, grafískur hönnuður, rithöfundur og myndlistamaður. Hún hefur skrifað og myndskreytt fjölda barnabóka og tekið þátt í samsýningum, bæði hér heima og erlendis. Þá hefur hún haldið námskeið og fyrirlestra á ýmsum vettvangi, m.a. í Háskólanum á Akureyri, hjá Endurmenntunarstofnun Háskóla Íslands, hjá Ung i Færeyjum og víðar á Norðurlöndum. Áslaug hefur einnig skrifað og myndlýst barnaefni fyrir sjónvarp. Hún var fréttaritari fyrir Morgunblaðið 1996-1998 og pistlahöfundur og teiknari á Degi 1998. Hún hefur átt sæti í stjórnum SÍUNG, félags barnabókahöfunda, og Fyrirmyndar, félags myndskreyta, frá 2001.
Áslaug hefur einnig skrifað handrit fyrir sjónvarp og leiksvið og sömuleiðis hafa sögur og greinar eftir hana birst í tímaritum.
Áslaug hefur hlotið fjölda viðurkenninga fyrir verk sín, m.a. hefur hún tvisvar fengið Dimmalimm, íslensku myndskreytiverðlaunin og hún hlaut Barnabókaverðlaun Vestnorræna ráðsins 2002 ásamt Andra Snæ Magnasyni fyrir Söguna af Bláa hnettinum.
Áslaug Jónsdóttir býr í Reykjavík.
Ritaskrá
- 2024 Skrímslaveisla
- 2023 til minnis:
- 2023 Allt annar handleggur
- 2021 Skrímslaleikur
- 2020 Sjáðu!
- 2017 Skrímsli í vanda
- 2014 Skrímslakisi
- 2012 Skrímslaerjur
- 2011 Litla skrímslið og stóra skrímslið í leikhúsinu
- 2009 Skrímsli í heimsókn
- 2008 Skrímslapest
- 2007 Ég vil fisk!
- 2007 Gott kvöld
- 2007 Skrímsli í myrkrinu
- 2006 Stór skrímsli gráta ekki
- 2005 Gott kvöld
- 2004 Nei! sagði litla skrímslið
- 2003 Eggið
- 2003 Unugata
- 1998 Sex ævintýri
- 1996 Prakkarasaga
- 1995 Einu sinni var raunamæddur risi
- 1993 Á bak við hús - Vísur Önnu
- 1991 Fjölleikasýning Ástu
- 1991 Stjörnusiglingin
- 1990 Gullfjöðrin
Verðlaun og viðurkenningar
- 2017 Íslensku bókmenntaverðlaunin fyrir Skrímsli í vanda
- 2015 Heiðurslisti alþjóðlegu IBBY samtakanna fyrir Skrímslakisi
- 2008 Gríman, íslensku leiklistarverðlaunin fyrir Gott kvöld (barnasýning ársins)
- 2006 Barnabókaverðlaun menntaráðs Reykjavíkur fyrir Stór skrímsli gráta ekki
- 2005 Barnabókaverðlaun menntaráðs Reykjavíkurborgar: Gott kvöld
- 2005 Dimmalimm: Íslensku myndskreytiverðlaunin: Gott kvöld
- 2004 Dimmalimm: Íslensku myndskreytiverðlaunin: Nei! sagði litla skrímslið
- 2004 Heiðurslisti IBBY: Fyrir myndskreytingar í Krakkakvæðum eftir Böðvar Guðmundsson
- 2002 Barnabókaverðlaun Vestnorræna ráðsins (ásamt Andra Snæ Magnasyni): Sagan af bláa hnettinum
- 2002 Heiðursverðlaun IBBY: Sagan af bláa hnettinum (myndskreytingar)
- 2000 Barnabókaverðlaun Fræðsluráðs Reykjavíkur: Fyrir framlag til myndskreytinga í barnabókum
- 1999 Viðurkenning úr Bókasafnssjóði höfunda
- 1993 Viðurkenning Barnabókaráðsins, Íslandsdeildar IBBY
Tilnefningar
- 2021 Til Fjöruverðlaunanna fyrir Sjáðu!
- 2017 Til Íslensku bókmenntaverðlaunanna fyrir Skrímsli í vanda
- 2013 Til Barna- og unglingabókmenntaverðlauna Norðurlandaráðs fyrir Skrímslaerjur
- 2010 Til Norrænu leikskáldaverðlaunanna fyrir Gott kvöld (byggt á samnefndri bók)
- 2006 Til Norrænu barnabókaverðlaunanna fyrir Gott kvöld
- 1999 Til H.C. Andersen verðlaunanna fyrir myndskreytingar í barnabókum
- 1999 Til Barnabókaverðlauna Fræðsluráðs Reykjavíkur: Sagan af bláa hnettinum (myndskreytingar)
Þýðingar
(í vinnslu)
Heimasíða
https://aslaugjonsdottir.com/
