SKÁLD.IS

Konur skrifa um konur sem skrifa

Steinunn Inga Óttarsdóttir∙20. janúar 2021

SKÁLDATAL OG LISTAMANNALAUN - Um úthlutun 2021

Allar skáldkonur sem fengu úthlutað listamannalaunum úr Launasjóði rithöfunda fyrir árið 2021 eiga sinn sess í Skáldatali, nema Sunna Dís Másdóttir sem ekki hefur sent frá sér bók (nema með öðrum) sem er skilyrði fyrir því að öðlast tilverurétt í Skáldatalinu.
 
Úthlutunarnefnd launasjóðs rithöfunda fyrir árið 2021 var skipuð einni konu og tveimur körlum. Ingibjörg Sigurðardóttir var formaður, aðrir nefndarmenn eru Þorgeir Tryggvason og Þórður Helgason.
 
Nefndin fær ekki auðvelt hlutverk. Alls bárust 295 umsóknir í launasjóð rithöfunda en aðeins 94 fengu úthlutað, 45 konur og 49 karlar. Aldrei þessu vant hefur verið frekar hljótt um úthlutunina í ár. Hvernig ætli standi á því? Er hún svona sanngjörn? Eða hefðbundin og fyrirsjáanleg? Er sátt og kyrrstaða í bransanum? Lesendum alveg sama?
 
Rithöfundarlaunum til eins árs er jafnt skipt milli kynja en einn karl fær að auki 10 mánuði. Níu mánaða launum er nokkuð jafnt skipt. Fleiri karlar fá hálfsárs laun (11 kvk, 20 kk) og fleiri konur fá þrjá mánuði (16 kvk, 9 kk). Er einhver sérstök ástæða fyrir því? Þær eru kannski fljótari að skrifa? Athygli vekur að „fyndna kynslóðin“, þ.e. stórskáld eins og Steinunnn Sigurðardóttir, Pétur Gunnars og Þórarinn Eldjárn fá þrjá mánuði en Einar Kárason fær níu. Óvæntast og gleðilegast er að Elísabet Jökulsdóttir fær árslaun.
 
Hér má sjá úthlutun eftir kynjum:
 
12 mánuðir, 7 kvk og 7 kk
 
10 mánuðir, 1 kk
  • Sölvi Björn Sigurðsson
9 mánuðir, 11 kvk og 12 kk
6 mánuðir, 11 kvk og 20 kk
3 mánuðir, 16 kvk og 9 kk