Jóna Guðbjörg Torfadóttir∙ 4. september 2023
VERÐLAUNALJÓÐ: Draumar hefja sig til flugs á heiðinni
Í gær voru úrslit Ljósberans 2023 tilkynnt og hlaut Garðar Baldvinsson 1. og 2. verðlaun en þriðju verðlaun kom í hlut Önnu Bjargar Hjartardóttur fyrir ljóðið Draumar hefja sig til flugs á heiðinni. Þá hlaut Hrefna Ósk Maríudóttir sérstaka viðurkenningu fyrir ljóð hennar sem þótti athyglisvert.
Anna Björg gaf Skáld.is góðfúslegt leyfi til að birta ljóð hennar:
DRAUMAR HEFJA SIG TIL FLUGS Á HEIÐINNI
Kviknar neisti
bærist andgift
yfirtekur
í takt sjávarfalla
flóðs og fjöru
Drengur leggur hlustir
við suðurnesjarokkið
og suðurnesjarokið
fyllir vit með viti
Ljósblik hugmynda lýsir upp
tilveruna og unga sál
örlög verða til
Orka tveggja heima
brúar skil báru og skers
flekar jarðar aðskilja bil milli heima
bera hróður útvarða Atlandshafs um heim
Tónar og taktur nesjanna
fæðir draum
í hjartans öra slætti
drengs sem lifnar allur við
í litlu húsi út í garði
og aðeins eldri stúlka syngur
héðan liggja leiðir til allra átta
Draumar hefja sig til flugs á heiðinni