SKÁLD.IS

Hvaða skáldkona yrkir svo vel?

 

Hírir rjúpan huld í dún

hver á sínum vegi;

þó svanurinn betur syngur en hún

sér til móðs færi eigi.

 

Kemur rómlag ekki eitt

upp af fuglum tjáðum;

þenki ég sá, sem þeim hefur veitt,

þiggi jafnt af báðum.

 

Þeim, sem veitir þessum, ber

til þakkar huganum venda;

fyrir það litla, er lénti mér,

lof sé honum á enda.

 

Sómlega sumum fer

samhent mál að stefja.

Hver mun hirða maður af mér

mærðar orða krefja?

 

Mér til gaman gjöri ég slíkt,

so gleymist heimsins ami;

þetta er öngvu lagi líkt;

lengi er hver hinn sami.