SKÁLD.IS

Afmæliskálds dagsins er Ágústína fædd 1816

Afmælisbarn dagsins er Ágústína Jóhanna Eyjúlfsdóttir hún var fædd þann 2. desember 1816.  Ágústína skáldkona var fædd í Elliðaey í Breiðafirði. Henni er lýst svo af Birni Jónssyni er ritar formála í ljóðabók hennar ,,Ljóðmæli" sem út kom árið 1883:

,,Hún hafði góðar og liprar gáfur og 7 vetra kvað hún vísuna til móður sinnar ,,Blessuð vertu baugalín..... þá segir að hún hafi fengið eins og margir góðir menn snemma að kenna á mislyndi hamingjunnar, kviklyndi heimsins og fallveltu lífsins gæða; enda þarf langan tima í skóla reynslunnar, til að fá þá trúarfestu og þolinmæði er auðkenndu líf hennar á hinum alvarlega reynslu-aldri. Þá segir ennfremur ,,til þess að lýsa henni frekar og högum hennar, set ég hér kafla úr bréfi, frá merkum og greindum bónda í Aðalvík, er henni var gagnkunnugur"

,,Hún var stilt, síglöð hvað sem á bjátaði, skemmtin og siðferðisgóð og trúföstu kona; kom jafnan fram til góðs, bar andstreymið með stillingu, sem opt var á ferð með henni; því hún átti opt við þröng kjör að búa, meðan hún dvaldi hér. Hún var vitur og gætin, skemmtin í tali og skáld gott. Þótt eigi væri hún auðug af fjármunum þá bar hún samt af flestum að sálargáfum og sakna þessvegna margir kunnugir hennar málsnildar".

                                                     

Í ferð í óveðri

 

Lengi þjáir mæðan mig

milding sjá það hæða,

mykja og sefa það bið þig,

þú, uppsprettan gæða.

 

Lengi ber ég lúið brjóst,

linnir mæðu eigi;

allt sem þjáir þér er ljóst

þó að enginn segi.

 

Ef að guði þóknast það,

þá skal ég ei linna,

fyr en loks í Lækjarhlað

lindin- kemur tvinna.

Ljóðin hennar eru flest á trúarlegum nótum eins og títt var meðal skálda sem fæddir á 19. öldinni. Hún orti sálma, brúðkaupsljóð og til samferðarmanna sinna.

Ágústína lést árið 1873.

Góðar stundir

Kv Magnea

fyrir áhugasama má lesa ljóð eftir hana hér:

Ljóðmæli - Ágústína Jóhanna Eyjólfsdóttir - Google Books

Skáld.is