SKÁLD.IS

1. MAÍ

Ljóð dagsins á Helga Jóhannsdóttir. Helga fæddist 28. apríl 1950 og ólst upp að Víðiholti í Reykjahverfi í Suður-Þingeyjarsýslu.

Sakleysi

Eins og fallegt blóm

sem teygir sig

móti geislum sólarinnar

réttir þú örsmáar

hendur þínar

í átt til lífsins.

Litlir fætur skilja eftir

hlæjandi fótspor

sem festast í hjartanu

 

Bros þitt er fullt 

af sakleysi og gleði

og tindrandi augu

sem öllum treysta.

 

Í návist þinni

er himininn blárri

og hvert andartak

fullt af sól.

 

Djúpar rætur 2002