Magnea Þuríður Ingvarsdóttir∙14. maí 2023
KISA EFTIR DIDDU. Sunnudagsþanki.
Í fallegri ljóðabók sem ber heitið Perlur úr ljóðum íslenskra kvenna sem Forlagið gaf út árið 1998 er að finna ljóðið Kisa eftir skáldkonuna Diddu. Silja Aðalsteinsdóttir sá um að safna saman ljóðunum og ritar formálann. Þar kennir margra grasa og hefur Silja raðað ljóðunum upp eftir ákveðinni röð sem hún skýrir í formálanum. En ég hnaut um þetta ljóð Diddu. Didda er áræðið skáld og enginn ætti að láta ljóðin hennar fram hjá sér fara.
Didda 1964 skáldkona orti þetta snilldar ljóð um einmanaleikann en ljóðið kom út í ljóðabók hennar Lastafans og lausar skrúfur árið 1995. Fyndið ljóð en um leið dapurt. Didda er hér að leiða hugann að einhverju öðru þegar einmanaleikinn er ágengur eins og það að láta sem hún sé köttur. Væri ekki gott að finna einhvern nálægt sér, kela við sig, strjúka sér blíðlega um magann. Þetta leiðir hugann að nýjasta tiktok laginu. Þar segir höfundur textans að hún geti bara elskað sig sjálf og miklu meir en einhver annar ,,Flower" by Miles Cirus ,,You can love me baby, but I can love me better“ hún geti bara leitt sig sjálf og betur en einhver annar. Þarf ekki annan til þess. Spurningin er hvort einmanaleikinn sé ekki bara hið besta mál? Já kannski hjá sumum en það að vera einmanna þarf ekki endilega að þýða dapurleiki heldur bara að þú eigir stund með sjálfri þér. Kannski er líka gott að vera með sjálfum sér endrum og sinnum.
KisaMig langar að vera strokiðeins og ketti í kelukasti,Klappað og strokiðog svo ef til villkysst á trýniðog knúsaðupp í hálsakotið.Úff, hvað mig langarað vera strokið þéttniður bakið, nudduðmilli tánna, klóraðblíðlega um magann.,blásið heitt á bringunaog annað eyrað sogið aðeins.Strokið niður útliminakysst innan á lærið og blásiðí krullurnar, vera lömuð í vellíðanþegar núið er lapið upp úr naflanum á mérog ég heyri ekki í eintóni einmanaleikansfyrir malinu í sjálfri mér.
