Guðrún Guðlaugsdóttir
Guðrún Guðlaugsdóttir fæddist í Reykjavík 20. júlí 1944. Foreldrar hennar voru Þorgerður Nanna Elíasdóttir og Guðlaugur M. Einarsson hæstaréttarlögmaður.
Guðrún tók próf úr Leiklistarskóla Þjóðleikhússins 1967 og lauk stúdentsprófi frá Menntaskólanum í Hamrahlíð 1977.
Guðrún starfaði fyrst sem leikari, síðar við dagskrárgerð og fréttamennsku hjá Ríkisútvarpinu. Var blaðamaður hjá Morgunblaðinu í 25 ár.
Guðrún hefur sent frá sér ævisögur, viðtalsbækur, skáldsögur, smásögur og eina ljóðabók. Á síðustu árum hefur hún skrifað átta sakamálasögur, þar sem aðalpersónan er um blaðakonan Alma Jónsdóttir sem lendir í ýmsum ævintýrum.
Guðrún á sex börn, Ragnheiði, Ásgerði, Móeiði, Kristinn, Guðlaug og Sigríði Elísabetu. Hún er gift Guðmundi Páli Arnarsyni bridgekennara og blaðamanni.
Ritaskrá
- 2022 Mannsmyndin
- 2021 Ættarmótið
- 2020 Hús harmleikja
- 2019 Barnsránið
- 2018 Erfðaskráin
- 2017 Morðið í leshringnum
- 2016 Dauðinn í opna salnum
- 2016 Í hörðum slag: Viðtöl við fimmtán blaðamenn. Blaðamannafélag Íslands
- 2015 Blaðamaður deyr
- 2014 Beinahúsið
- 2009 Sá á skjöld hvítan: Viðtalsbók við Jón Böðvarsson
- 2000 Nærmynd af Nóbelsskáldi: Fimm viðtöl í viðtalsbók í ritstjórn Jóns Hjaltasonar
- 2000 Í órólegum takti
- 1999 Kvöldvakan: Smásaga
- 1994 Góður skáti: Smásaga í smásagnasafninu Tundur dufl
- 1993 Nellikur og dimmar nætur
- 1993 Þegar hugsjónir rætast: Nokkur viðtöl í ævisögu Odds Ólafssonar/Gils Guðmundsson
- 1990 Skip vonarinnar: Ljóð
- 1990 Það hálfa væri nóg: Lífssaga Þórarins Tyrfingssonar
- 1988 Á leið til þín: Ljóð
- 1978 Í veiðihug: Æviminningar Tryggva Einarssonar í Miðdal