SKÁLD.IS

Kristín Bjarnadóttir fæddist á Blönduósi 29. maí 1948 og ólst upp að Haga í sveitinni Þing við Húnaflóa.

Hún lauk gagnfræðiprófi við Reykjaskóla í Hrútafiði 1965, dvaldi eitt ár sem au-pair i London, og einn vetur í lýðháskóla í Danmörku. Hún nam leikist við Odense Teater Elevskole í Damörku (1971–1974), og síðar bókmenntir og heimspeki við Gautaborgarháskóla (1990–1994). Hún starfaði við leiklist allt til ársins 1990, í Danmörku, á Íslandi og seinast í Svíþjóð.

Ljóð eftir Kristínu birtust fyrst 1979 í Lesbók Morgunblaðsins og safnritinu Nýgræðingar í Ljóðagerð 1970-1981. Seinna skrifaði hún suttar frásagnir og texta sem fluttir voru á sviði og í útvarpi. Hún vann við þáttagerð hjá RÚV, meðal annars þáttaröð um skandínavískar samtiðaskáldkonur, í samvinnu við Nínu Björk Árnadóttur. Hún þýddi ljóðabálkinn Ástarsaga aldarinnar eftir Mörtu Tikkanen og vann sviðsútgáfu í samvinnu við Kristbjörgu Kjeld.

Í ljóðum sínum sækist Kristín eftir einfaldleika og takti hins talaða orðs. Í bókinni Því að þitt er landslagið notar hún tungumálið til að mála myndir hugverunnar í faðmi landslags. Ljóðið Fyrsti dansinn I-II hlaut viðurkenningu í keppninni Lóðstafur Jóns úr Vör 2002.  Prósaljóðin í bókinni Ég halla mér að þér og flýg, 2007 eru einskonnar heimildarljóð, um tangómenningu, byggð á dvöl Kristínar í Buenos Aires.

Ferðalög í ýmsum skilningi er endutekið þema í skrifum Kristínar, svo sem í greinum hennar sem birst hafa bæði á íslensku og sænsku. Hún hefur stjórnað ýmsum bókmenntaverkefnum, svo sem ljóðadagskránni Heim og saman í Hlaðvarpanum í Reykjavík árið 2001 og í samvinnu við Norræna Húsið og argentínska bandoneonleikarann Carlos Quilici. Árið 2005 stóð hún fyrir dagskrá um tangó í tónum og tali, síðar endurtekin á Bottnafestivalen í Sviþjóð. Á síðustu árum tók hún þátt í ýmsum bókmenntaverkefnum, vinnustofum og upplestrum, í Svíþjóð og meðal annars í Kambódíu, Albaníu, Makadóníu og Slóveniu.

Kristín átti sæti í stjórn Höfundamiðstöðvarinnar Författarcentrum Väst í Gautaborg allt frá árinu 2010, var varaformaður frá 2012 og formaður 2017 til dánardægurs. Innan höfundamiðstöðvarinnar átti hún frumkvæði að stofnun ljóðahópsins PoPP (Poeter orkar Poetiska Projekt) sem kom til Reykjavíkur sumarið 2017 með upplestrardagskrá í samvinnu við kollega og ljóðskáld í Rithöfundasambandi Íslands. Meðal verkefna sem hún átti frumkvæði að og hafði yfirumsjón með er Waters and Harbours in North  - WHiN, 2017 þar sem Bókmenntaborgin Reykjavík var meðal samvinnuaðila.

Kristín Bjarnadóttir var búsett á vesturströnd Svíþjóðar frá árinu 1985. Hún lést í Gautaborg 1. október 2021.