![](https://skald.is/rails/active_storage/representations/eyJfcmFpbHMiOnsibWVzc2FnZSI6IkJBaHBBcVVJIiwiZXhwIjpudWxsLCJwdXIiOiJibG9iX2lkIn19--b9a0e980c989a833459eb8e5ae62beb8a146726b/eyJfcmFpbHMiOnsibWVzc2FnZSI6IkJBaDdDem9VYzJGdGNHeHBibWRmWm1GamRHOXlTU0lLTkRveU9qQUdPZ1pGVkRvTWNYVmhiR2wwZVdsYU9ncHpkSEpwY0ZRNkRtbHVkR1Z5YkdGalpVa2lDVXBRUlVjR093WlVPZzlqYjJ4dmNuTndZV05sU1NJSmMxSkhRZ1k3QmxRNkRHTnZiblpsY25RdyIsImV4cCI6bnVsbCwicHVyIjoidmFyaWF0aW9uIn19--025048454440a4ffbe1bfbd2ffec4bffda87ad8b/c9ab35_0a18b936fe4a47f2b11457d1266d67ca~mv2.jpg)
María Bjarnadóttir
María Bjarnadóttir er fædd 7. júní 1896 í Káradalstungu í Vatnsdal. Hún óslt upp á ýmsum stöðum á landinu, bæði til sjávar og sveita. Hún giftist Bjarna Antoníussyni og eignuðust þau fimm börn. Þau bjuggu lengst af austanlands, m.a. í Neskaupstað. María vann að ýmsum störfum utan heimilisstarfa eftir því sem til féll. Hún lést í Reykjavík 11. mars 1976.
Eftir Maríu er ljóðabókin Haustlitir sem hún gaf út á eigin kostnað árið 1964, þá 68 ára að aldri. Finnur Sigmundsson landsbókavörður hvatti hana til útgáfunnar og skrifaði formála að bókinni. María sendi bókina ekki í bókabúðir, og um hana kom enginn ritdómur.
Textinn er tekinn orðréttur frá Helgu Kress:
Helga Kress. 2001. „María Bjarnadóttir 1896-1976“, bls. 251. Stúlka. Ljóð eftir íslenskar konur. Bókmenntafræðistofnun Háskóla Íslands, Reykjavík.
Myndin er sótt á síðu Norðfirðingafélagsins
Ritaskrá
- 1964 Haustlitir