SKÁLD.IS

Konur skrifa um konur sem skrifa

Rut Guðnadóttir

Rut Guðnadóttir er fædd 12. ágúst árið 1994.

Rut útskrifaðist úr Kvennaskólanum í Reykjavík árið 2013 og fór beint í Háskóla Íslands og lauk BS gráðu í sálfræði með ritlist sem aukafag (2016), MA gráðu í ritlist (2019), BA gráðu í íslensku með sálfræði sem aukafag (2020) og  viðbótardiplómu í Menntun framhaldsskólakennara með íslensku sem kjörsvið vorið 2021.

Fyrsta bók hennar er Vampírur, vesen og annað tilfallandi en hún hlaut íslensku barnabókaverðlaunin 2020. Hugmyndin varð upphaflega til í ritlistarnáminu í Háskóla Íslands. 2021 kom út sjálfstætt framhald bókarinnar,  Drekar, drama og meira í þeim dúr og 2022 kom út lokabókin í þríleiknum: Heimsendir, hormónar og svo framvegis.

Rut hefur einnig skrifað pistla fyrir fjölmiðla og nokkrar smásögur, þar má nefna smásöguna „Með hnút í maganum“ sem birt var í smásagnasafninu Það er alltaf eitthvað sem kom út hjá Unu útgáfuhúsi 2021.

 


Ritaskrá

  • 2022  Heimsendir, hormónar og svo framvegis
  • 2021  Drekar, drama og meira í þeim dúr
  • 2020  Vampírur, vesen og annað tilfallandi

 

Verðlaun og viðurkenningar

  • 2020 Íslensku barnabókaverðlaunin fyrir Vampírur, vesen og annað tilfallandi

Tengt efni