SKÁLD.IS

Konur skrifa um konur sem skrifa

Sigríður Etna Marinósdóttir

Sigríður Etna er fædd árið 1991 og ólst upp á Tálknafirði. Foreldrar hennar eru Freyja Magnúsdóttir og Marinó Bjarnason. Hún lauk stúdentsprófi frá Verkmenntaskólanum á Akureyri árið 2010 og útskrifaðist sem tómstunda- og félagsmálafræðingur frá Háskóla Íslands árið 2014.

Sigríður Etna las mikið sem barn og fannst gaman að skrifa sögur. Kennari hennar í grunnskóla hvatti hana áfram og sagði að einn daginn yrði hún rithöfundur. Í framhaldsskóla tók hún áfanga um barnabókmenntir og áhuginn jókst við það. Sigríður Etna hefur nýtt fæðingarorlof stelpnanna sinna til þess að skrifa og gefa út barnabækur.

Sigríður Etna er búsett í Grindavík og er gift Ingólfi Ágústssyni. Saman eiga þau tvær dætur.


Ritaskrá

  • 2020  Hasar í hrauninu
  • 2019  Etna og Enok hitta jólasveinana
  • 2017  Etna og Enok fara í sveitina