Sólveig Jónsdóttir
Sólveig Jónsdóttir er fædd árið 1982.
Sólveig lauk stúdentsprófi frá Fjölbrautaskóla Vesturlands á Akranesi, BA-námi í stjórnmálafræði frá Háskóla Íslands og meistaragráðu í þjóðernishyggju og þjóðernisátökum frá Edinborgarháskóla í Skotlandi.
Sólveig hefur starfað sem blaðamaður og pistlahöfundur.
Í viðtali í Fréttablaðinu, 13. október 2018, segir Sólveig: „Ég hef hug á því að helga mig ritstörfum í náinni framtíð. Ég hélt það væri of einangrandi að sinna ritstörfum í fullu starfi. Í seinni tíð finnst mér þetta eiga betur við mig, kannski ég sé orðinn meiri einfari. Mér finnst þetta að minnsta kosti mjög gaman og gefandi.“
Ritaskrá
- 2018 Heiður
- 2012 Korter