SKÁLD.IS

Ólöf Vala Ingvarsdóttir, fædd 20. febrúar 1971, er sex barna móðir búsett í Reykjavík sem hefur gefið út fjórar bækur síðan árið 2013 en það árið hóf hún störf við leikskólann Skerjagarð og hefur starfað þar farsællega síðan.

Ólöf Vala ólst upp í Birkilundi í Reykholti í Biskupstungum, yngst sjö systkina. Allt heimilishald í Birkilundi var í senn frjálslegt og óvenjulegt. Æskan mótaði Ólöfu mjög og hafa mörg atvik í uppvextinum veitt henni innblástur í samningu þeirra fjögurra barna- og unglingabóka sem hún hefur gefið út í samstarfi við bókaútgáfuna Sæmund.