SKÁLD.IS

Anna María Þórisdóttir er fædd á Húsavík 24 . október árið 1929 og lést 12. febrúar 2024. Hún ólst upp á Húsavík og á Þóroddsstað í Köldukinn í Suður-Þingeyjarsýslu.

Anna María lauk stúdentsprófi frá Menntaskólanum á Akureyri árið 1951 og kennaraprófi frá stúdentadeild Kennaraskóla Íslands árið eftir. Hún stundaði síðar nám í listasögu við Háskóla Íslands, kenndi við Barnaskólann á Selfossi árið 1952-54 og vann skrifstofustörf á Veðurstofu Íslands 1954-56. Hún sat í ritnefnd Húsfreyjunnar í nokkur ár.

Anna María giftist Sigurði Sigfússyni verkfræðingi árið 1956 og þau eignuðust þrjár dætur. Ein þeirra er Ragna, skáldkona.

Anna María hefur sent frá sér þrjár bækur. Að auki hefur hún hefur skrifað fjölda greina, smásagna og ljóða sem hafa verið flutt í úvarpi og birst m.a. í Lesbók Morgunblaðsins, Samvinnunni, Vikunni, Fálkanum, Heima er best og Húsfreyjunni. Hún hefur einnig þýtt milli sjötíu og áttatíu smásögur.

Í upphafi gat Anna María sér í gott orð fyrir greinar sem hún nefndi "Krækiber" og birtust í Lesbók Morgunblaðsins á árunum 1972-1981. Bækurnar Undir Dagmálalág og Í vistinni fylgdu í kjölfarið. Skrif Önnu Maríu eiga sér iðulega rætur í eigin lífi og upplifunum. Hún hafði lag á að birta hversdagsleg atvik í ljóðrænu ljósi á ylhýru máli.