Jónína Óskarsdóttir
Jónína Óskarsdóttir fæddist 22. febrúar 1955 í Reykjavík.
Hún býr enn í Reykjavík og starfaði lengst af í Borgarbókasafni Reykjavíkur í Árbæ. Áður starfaði hún meðal annars sem leikskólakennari á Hagaborg og á Hjalla í Hafnarfirði. Hún hefur verið með leshring á Borgarbókasafninu á annan áratug, auk ritlistarnámskeiða og ritsmiðju.
Jónína er útskrifuð leikskólakennari frá Fóstruskóla Íslands 1992 og uppfærði það í B.Ed við K.H.Í. Þar kynntist hún ritlistarnámi hjá Þórði Helgasyni. Í framhaldinu fór hún í ritlistarnám sem aukagrein sem Njörður P. Njarðvík leiddi í Háskóla Íslands. Árið 2011 úttskrifaðist hún með meistarapróf í hagnýtri menningarmiðlun og hefur undanfarin ár stundað MA nám í ritlist við Háskóla Íslands. Auk þess hefur hún tekið þátt í ritlistarnámskeiðum, meðal annars hjá Þorvaldi Þorsteinssyni og Þorgrími Þráinssyni.
Konurnar á Eyrarbakka, sitthvað af konu minni hverri - er fyrsta bók Jónínu. Í nokkur ár tók hún viðtöl sem birtust í tímaritinu Heima er bezt. Áður hafa birst eftir hana greinar, ljóð og smásögur, meðal annars í Jón á Bægisá, Bókasafninu, Tímariti Máls og menningar, Vísbendingu, Lesbók Morgunblaðsins, Þjóðviljanum og Vikunni.
Jónína á fjögur börn; Guðfinnu Mjöll f. 1979, Óskar f. 1984, Sirí f. 1986 og Árna Jón f. 1988. Barnabörnin eru sex.
Ritaskrá
- 2025 Ýmis ástarbréf. Ástarsögufélagið
- 2023 Konurnar á Eyrarbakka, sitthvað af konu minni hverri
- 2023 Munnbiti. Ástarsögufélagið
- 2022 Þægindarrammagerðin. Sögur ritlistarnema
- 2004 Vængjatök sunnlenskra kvenna
Verðlaun og viðurkenningar
- 2026 Þriðju verðlaun fyrir ljóðið Kátt í koti og höll á Júlíönu. Hátíð sögu og bóka í Stykkishólmi
- 2018 Önnur verðlaun fyrir ljóðið Fínar konur á Júlíönu. Hátíð sögu og bóka í Stykkishólmi.
- 2010 Fyrstu verðlaun fyrir örsöguna Grafið í sand í smásagnasamkeppni Starfsmannafélags Reykjavíkur
