Marjatta Ísberg/María Rún Karlsdóttir
Marjatta Ísberg er fædd í Finnlandi 26. ágúst 1945 en hefur tekið sér íslenska nafnið María Rún Karlsdóttir.
Hún hefur gefið út bækur undir báðum nöfnum en, smásagnasafnið Ljóðelskur maður borinn til grafar, sem kom út árið 2002, var fyrsta bókin sem hún gaf út með íslenska nafninu.
Marjatta er með m.phil-gráðu í ensku og norrænum málvísindum frá Helsingfors Universitet og lauk meistaraprófi í miðaldafræði frá Háskóla Íslands 2020. Rannsóknir hennar hafa snúist um víkingaöldina og sögu textíls og vefnaðar. Hún hefur birt greinar í blöðum og tímaritum.
Ritaskrá
- 2021 Víkingaaldarsverð, gerðir þeirra og smíði
- 2009 Gests augað
- 2003 Óræðir draumar
- 2002 Ljóðelskur maður borinn til grafar. Sögur af lífi og dauða
- 1995 Kveðjustundir
Þýðingar
Þýðingar eftir Marjatta Ísberg:
- 1998 Islanti : lämmin maa pohjoisessa. Ljósmyndabók eftir Sigurgeir Sigurjónsson og Torfa Tulinius.
- 1987 Thorgeirin härkä : islantilaisia kansankertomuksia. Íslenskar þjóðsögur (með Hallfreði Erni Eiríkssyni.)