Marta María Jónsdóttir
Marta María Jónsdóttir er fædd 1974 í Reykjavík.
Marta lauk myndlistarnámi í Myndlista- og handíðaskólanum 1994. Þá er hún með meistarapróf í myndlist frá Goldsmiths, University of London og árið 2024 lauk hún meistaraprófi í ritlist frá Háskóla Íslands.
Marta hefur tekið þátt í fjölda samsýninga og haldið einkasýningu í Sverrissal í Hafnarborg. Hún hefur starfað við myndlistarkennslu og starfar sem sérfræðingur í fræðslu og miðlun hjá Listasafni Íslands.
Marta hefur myndlýst þrjár ljóðabækur: To bleed straight eftir Sigurbjörgu Þrastardóttur, í þýðingu Bernard Scudder (2008), Verði ljós, elskan (2021) eftir Soffíu Bjarnadóttur og Stjörnufjallseyjur (2023) eftir Jakub Stachowiak.
Marta er meðhöfundur þriggja námsbóka í myndlæsi og birtist smásaga eftirhana, Iðar í skinninu, í ritverkinu Hótelsögur (2022).
Fyrsta skáldsaga Mörtu, Fuglamál, kom út hjá Benedikt 2026.
Ritaskrá
- 2026 Fuglamál (skáldsaga).
- 2026 Stattu og vertu að steini, þjóðsögur í íslenskri myndlist (námsefni), ásamt Ragnheiði Vignisdóttur, Ingibjörgu Hannesdóttur og Dagrúnu Ósk Jónsdóttur.
- 2024 Ísabrot, jöklar í íslenskri myndlist (námsefni), ásamt fleirum.
- 2023 Sjónarafl, þjálfun í myndlæsi (námsefni), ásamt Ragnheiði Vignisdóttur og Hólmari Hólm.
