Steinunn Inga Óttarsdóttir∙28. nóvember 2023
ÚR HELGU DÖGUM
Helga Kristín Einarsdóttir var einn af frumbyggjum Kópavogs. Hún starfaði sem kennari og bókasafnsvörður og var einnig skáld og þýðandi. Hún veiktist af alzheimer og lést 2014. Æviferill hennar og ritverk eru rakin á skáldatallinu i dag.
Eftirfarandi er niðurlag ljóðs eftir Helgu sem heitir „Kveðja til Gests Guðfinnssonar“ og birtist í kveri hennar Helgu dagar sem út kom árið 1995.
...
Langt er síðan við fundumst síðast
en gott var
að sitja með þér
undir því fjalli
Ef ég hitti þig einhvern tíma
tínum við bláber
teljum blómin á þúfunum
og að kvöldi
sjáum við rauð ljós kvikna í heiðinni
hinum megin
