Steinunn Inga Óttarsdóttir∙28. mars 2024
STOLNAR STUNDIR - Ingveldur Einarsdóttir orti
Í tímariti sem nefndist Nýja kvennablaðið og út kom um miðja síðustu öld fengu margar konur birt ljóð og sögur sem þær sömdu í strjálum og stolnum tómstundum.
Eitt slíkt orti Ingveldur Einarsdóttir og var birt í 7. tbl. 1947. Ljóðið lýsir vel stöðu kvenna á þessum árum sem langaði að sinna skáldskap en urðu að uppfylla langa vinnuskyldu.
STOLNAR STUNDIR
„Fylgja“ er fátækt heitir
flestu illu spáir.
„Ekki af því veitir
aura þó þú fáir.“
Frjálsar finnast mundir
fárra slíkra kvenna.
Það eru stolnar stundir
stingi ég niður penna.
Skyldan kallar, kallar:
„Kepptu við að prjóna;
árdagsstundir allar
áttu húsi að þjóna“
- flækir fjötra að mundum
flestra vinnukvenna. -
En á stolnum stundum
stakk ég niður penna.
