SKÁLD.IS

 

Benný Sif hlaut nýræktarstyrk Miðstöðvar íslenskra bókmennta 2018 fyrir handritið að skáldsögunni Grímu sem kom út sama ár. Gríma spurðist vel út meðal lesenda og hlaut Íslensku hljóðbókaverðlaunin, Storytel awards. Í umsögn dómnefndar um bókina segiri:

 

„Gríma er sögu­leg skáld­saga sem seg­ir frá ör­lög­um kvenna í ís­lensku sjáv­arþorpi um og eft­ir miðja tutt­ug­ustu öld. Sag­an er gríp­andi, per­sónu­sköp­un sterk og bygg­ing verks­ins vel út­hugsuð. Text­inn er lif­andi og skemmti­leg­ur en um leið lýs­ir höf­und­ur harm­ræn­um at­b­urðum af ein­stakri næmni. Frá­sagn­argleði og vænt­umþykja fyr­ir viðfangs­efn­inu ein­kenna þessa hríf­andi skáld­sögu.“ 

 

Í barnabókunum Jólasveinarannsóknin (2018) og Álfarannsóknin (2019) er hugvitsamlega fléttað saman fróðleik og fjöri.  Skáldsagan Hansdætur kom svo út árið 2020 og hlaut strax mikið lof gagnrýnenda og var tilnefnd til Evrópsku bókmenntaverðlaunanna. Þriðja skáldsaga, Djúpið,  kom út haustið 2021. Árið 2023 kom ný barnabók frá Benný Sif, Einstakt jólatré en langsoltnir lesendur höfðu loksins fengið að heyra meira um Gratíönu í samnefndri bók 2022.

 

Skáldsögur Bennýjar eru örlagasögur fólks úr íslenskum veruleika, höfundur tvinnar haganlega saman sorgir og sigra sögupersónanna og lesandinn getur vart annað en hrifist með, segir á vef Forlagsins.

 

Soffía Auður hefur fjallað um verk Bennýjar Sifjar hér á vef skáld.is: