Jóna Guðbjörg Torfadóttir∙ 2. mars 2025
PALESTÍNULJÓÐ NÝKOMIN ÚR PRENTUN
Palestínuljóð heitir glæný ljóðabók eftir Kristrúnu Guðmundsdóttur og Önnu Dóru Antonsdóttur. Ljóðin eru samin í ljósi þeirra voðaatburða sem nú eru að gerast við Miðjarðarhafsbotn fyrir augum alls heimsins.
Kristrún á í bókinni 33 ljóð sem bera yfirskriftina Fréttaspuni í þrjátíu og þremur myndum og seinni hluti bókar, Lifi frjáls Palestína, samanstendur af 12 ljóðum eftir Önnu Dóru
Hvatinn að baki ljóðunum er vonleysi og samkennd hðfunda með hinni palestínsku þjóð í þjáningum hennar. Það er von þeirra að ljóðin opni augu fólks frekar en orðið er fyrir þeim hryllingi sem á sér stað í Palestínu.
Allur ágóði af sölu rennur til stuðnings Palestínu.
Hér má lesa eitt Palestínuljóð:
30
Nú vill hún bíða við dyr ljóðsins
með bæn á vörum
í von
um nýja veröld
bíður
eldingar er lýstur upp myrkrið
og þrumu er rífur
þögnina