SKÁLD.IS

LEITIN AÐ ORÐUM

Kristín Guðmundsdóttir hefur sent frá sér sjöttu bók sína fyrir fólk af erlendum uppruna og ber hún heitið Leitin að orðum. Bókin er ætluð fólki sem hefur grunnþekkingu í íslensku eða er á 3. eða 4. stigi íslenskunáms, sem og kennurum sem vilja efla orðaforða íslenskra barna og unglinga.

Innblásturinn að baki bókum Kristínar nær aftur til ársins 1995 þegar vinur hennar erlendis minntist á skort á góðu lesefni fyrir íslenska nemendur. Síðan þá hefur Kristín gefið út Nýjar slóðir (2020), Óvænt ferðalag (2021), Leiðin að nýjum heimi (2022), Birtir af degi (2023), og Tólf lyklar (2024).

Í Leitin að orðum eru 12 stuttar og skemmtilegar sögur, með handteiknuðum myndskreytingum og skýringum á erfiðum orðum, spakmælum og orðasamböndum. Tilvísanir auðvelda lestur og hjálpa nemendum að átta sig á megininnihaldi hverrar sögu. Við gerð bókar vann Kristín náið með konu sem flutti til Íslands árið 1995, sérfræðingum innan skólakerfisins og öðru áhugafólki um tungumál.

Kristín bendir á að bókin sé eitt af mörgum skrefum sem verið er að taka til að hjálpa fólki af erlendum uppruna að aðlagast íslensku samfélagi. Hún sé þarft og grípandi úrræði fyrir hvort heldur sem er nemendur, kennara eða þau sem vilja viðhalda íslenskukunnáttu sinni.

Kristín gefur sjálf út bókina til að tryggja viðráðanlegt verð og að hún sé aðgengileg skólum, bókasöfnum og einstaklingum bæði hérlendis og erlendis. Nálgast má bókina hér.