SKÁLD.IS

Rósamál

Í ljóðabók sinni Rósamál fjallar Steinunn P. Hafstað um lífið og tilveruna. Glímuna við það að vera mannvera. Ljóðin eru rík af lífsvisku og dýpt eins og segir á bókarkápu.

Hvatning

 

Trausti vinur,

taktu til kosta

hest sem þér líkar

og lætur að stjórn.

 

Þá muntu finna

frið í hjarta

sem opnar þér sýn

inn á ófarinn veg

 

og fegurð sem brýst

úr brjósti fram,

lífstaktinn fangar

í faðmsins angan

 

og ástarljóð

 

Dansinn

 

Á grænu fjalli sköpunnar,

þar sem ekkert skyggir á birtu

og sterka lífsorku sólarinnar,

stígum við tvö

listrænan dans

undir regnboganum

 

og náttúran

 

Vetur

 

Í dag

reyndi ég

að létta á greinum trésins

sem ég ann svo mjög

 

má ekki til þess hugsa

að þær kikni 

undan þunganum.

 

Þegar ég snerti þær

fór um þær hríslan

 

eins og það væri að hlæja

að vitleysunni í mér.

 

 

Rósamál

 

Staulast áfram,

með staf í hendi,

getur ei lengur

leynt fötlun sinni.

Má sig vart hræra,

hástöfum hljóðar,

reiðin er orðin

rýtingi líkust

Ljóðið Rósamál sem eru allt 14 erindi tileinkar hún móður sinni, sem og allri bókinni en móðir höfundar lést snemma árs árið 2008, sama ár og bókin kom út. 

Forvitnilegur höfundur hér á ferð sem lítið hefur farið fyrir.

https://skald.is/skaldatal/562-steinunn-p-hafstad

Kveðja Magnea