Sæunn Kjartansdóttir
Sæunn Kjartansdóttir fæddist í Reykjavík 24. desember 1956.
Eftir stúdentspróf frá Menntaskólanum við Tjörnina 1976 lauk hún námi við Hjúkrunarskóla Íslands 1979 og réttindaprófi í sálgreiningu frá Arbours Association í London 1992. Hún starfaði um árabil á geðdeildum Kleppsspítala/Landspítala en hefur frá árinu 1992 verið sjálfstætt starfandi við einstaklingsmeðferð og faghandleiðslu.
Sæunn er einn stofnenda Miðstöðvar foreldra og barna sem sérhæfir sig í tengslaeflandi innsæismeðferð foreldra og ungbarna. Hún hefur sinnt stundakennslu við HÍ, skrifað fræðigreinar í fagtímarit og bækur auk greina í tímarit og dagblöð um geðheilbrigðismál og málefni barna.
Sæunn er gift Guðmundi Jónssyni sagnfræðingi og eiga þau tvö börn og fjögur barnabörn.
Ritaskrá
- 2024 Gáfaða dýrið
- 2019 Óstýriláta mamma mín … og ég
- 2015 Fyrstu 1000 dagarnir. Barn verður til
- 2009 Árin sem enginn man. Áhrif frumbernskunnar á börn og fullorðna
- 1999 Hvað gengur fólki til? Leit sálgreiningar að skilningi
Verðlaun og viðurkenningar
- 2021 Storytel-verðlaunin í flokknum óskáldað efni: Óstýriláta mamma
Tilnefningar
- 2009 Til Viðurkenningar Hagþenkis fyrir Árin sem enginn man
