SKÁLD.IS

Soffía Lára Þórarinsdóttir er fædd 19. desember 1993. 

Soffía Lára gaf út sína fyrstu ljóðabók, Höfuðmyrkur árið 2013. Fyrstu bókina, sem og næstu tvær gaf hún sjálf og seldi á börum og götuhornum.

Soffía Lára hefur lesið upp á ljóðakvöldum en andlit hennar varð þekkt þegar hún kom fram í sjónvarpsþætti Jóns Ársæls, Paradísarheimt, í upphafi árs 2019 og talaði um erfitt lífshlaup sitt. 

Soffía Lára hefur fjallað opinskátt um andleg veikindi sín og segir ljóðagerðina vera leið sína í ljósinu og myrkrinu. Í viðtali í Stundinni segir hún: „Skrifin og sköpunin voru hluti af því að lýsa upp lífið [...] Þegar maður þekkir muninn á því að lifa myrkt og lifa í ljósinu getur maður valið. Þetta var myrkur sem ég þurfti að losa mig við. Koma myrkrinu í burtu.“