![](https://skald.is/rails/active_storage/representations/eyJfcmFpbHMiOnsibWVzc2FnZSI6IkJBaHBBakFhIiwiZXhwIjpudWxsLCJwdXIiOiJibG9iX2lkIn19--0d9ef1c257fe7a72d6eef3747e4fa00bf7251006/eyJfcmFpbHMiOnsibWVzc2FnZSI6IkJBaDdDem9VYzJGdGNHeHBibWRmWm1GamRHOXlTU0lLTkRveU9qQUdPZ1pGVkRvTWNYVmhiR2wwZVdsYU9ncHpkSEpwY0ZRNkRtbHVkR1Z5YkdGalpVa2lDVXBRUlVjR093WlVPZzlqYjJ4dmNuTndZV05sU1NJSmMxSkhRZ1k3QmxRNkRHTnZiblpsY25RdyIsImV4cCI6bnVsbCwicHVyIjoidmFyaWF0aW9uIn19--025048454440a4ffbe1bfbd2ffec4bffda87ad8b/s%C3%A6kja%20(1).jpg)
Bergljót Hreinsdóttir
Bergljót Hreinsdóttir er fædd 19. ágúst árið 1965 í Reykjavík en ólst upp í Kópavogi. Foreldrar hennar eru Hreinn Bergsveinsson frá Ólafsvík og Valgerður Pálsdóttir frá Siglufirði.
Bergljót lauk prófi frá Fósturskólanum árið 1991 og starfaði lengi við leikskólann Krílakot á Dalvík. Bergljót er gift Magnúsi Möller sölumanni hjá HT og á 3 börn og 2 barnabörn. Hún starfaði í Marbakka í Kópavogi 1986-1994 (deildarstj 1991-1994) og deildarstjóri á Krílakoti 1994-1987. Þá starfaði hún sem deildarstjóri í Domkirken barnehage og Trollklubben í Fredrikstad Noregi 1997-1999 og sem deildarstjóri í Marbakka í Kópavogi 1999-2023. Núna er hún deildarstjóri í Urriðabóli í Garðabæ.
Bergljót hefur skrifað nokkrar bækur fyrir börn, auk þess sem hún á smásögur í safnritum og hefur sent frá sér eina ljóðabók, Ljóð um lífið og dauðann og allt þar á milli árið 2014.
Bergljót skrifaði revíu fyrir leikfélag Dalvíkur og tók sjálf þátt í uppsetningu á verkinu ásamt því að skrifa sögu um Írisi/saga með söngvum sem kom út árið 1990
Bergljót hefur tekið virkan þátt í stéttarfélagsumræðum um leikskólamál þar sem hún stendur vörð um fagmennsku og vandaða umfjöllun um leikskólakennarar og þeirra starfsumhverfi. Þá hefur hún samið efni til notkunar í leikskólastarfi og gaf til að mynda út söguna um Lúsina Lukku, ásamt samstarfskonum sínum, árið 2013, sem var unnin sem þróunarverkefni fyrir leikskólabörn.
Ritaskrá
- 2014 Ljóð um lífið og dauðann og allt þar á milli...
- 2013 Lúsin Lukka (ásamt Báru Skæringsdóttur og Þorbjörgu Rósu Jóhannsdóttur)
- 2013 Saga í Íslensk ást: sex íslenskar smásögur
- 1998 Engin venjuleg Valdís
- 1995 Obladí Oblada (ásamt Örnu Valsdóttur)
- 1994 Saga í Ormagull: verðlaunasögur handa allri fjölskyldunni
- 1989 Íris: saga með söngvum