SKÁLD.IS

Hrund Hlöðversdóttir fæddist á Akureyri 9. janúar 1972.

Hrund kláraði nám við Menntaskólann á Akureyri árið 1992 og B.ed. próf frá Kennaraháskóla Íslands árið 1997. Árið 2011 lauk hún M.ed prófi frá Háskólanum á Akureyri með áherslu á stjórnun Menntastofnanna. Hrund stundaði tónlistarnám við Tónlistarskólann á Akureyri og seinna við Tónlistarskóla Eyjafjarðar og lærði á píanó, söng og harmoniku.

Hrund hefur starfað í grunnskólum og leikskólum bæði við kennslu og stjórnun og gegndi starfi skólastjóra Hrafnagilsskóla í tólf ár.

Áhugasvið Hrundar snúast meðal annars um náttúru landsins, íslenska tungu, trúarbragðafræði og þjóðsögur. Í Kennaraháskólanum valdi hún ritlistaráfanga og gáfu nemendur, í samvinnu við kennara, út ljóðabækur.

Hrund hefur gefið út nokkrar skáldsögur, skrifað námsbækur fyrir Námsgagnastofnun og Biskupsstofu. Árið 2021 kom út hennar fyrsta skáldsaga, ÓGN, ráðgátan um Dísar-Svan. Önnur bók í sömu seríu, ÓRÓI, krunk hrafnanna, kom út árið 2022 og þriðja bókin, ÓLGA, kynjaslangan, kom út 2024.