Gunnþórunn Sveinsdóttir
Listakonan og vísnaskáldið Gunnþórunn Sveinsdóttir frá Borgarey í Vallhólmi fæddist 2. febrúar 1885. Hún lést 1970.
Gunnþórunn var kunn fyrir listrænan ferskleika eins og Hörður Ágústsson kemst að orði í umfjöllun sinni um hana í Birtingi 1. tbl. árið 1963. Hann fjallar um verk hennar af yfirvegun og kunnáttu fræðimanns sem þekkir til þeirra sem teljast til alþýðulistamanna. Gunnþórunn var ekki bara málari heldur gat hún hent fram stökum eins og þessari til dæmis.
Ef það gleður anda minn
enn skal fjúka staka.
Þótt hnútum kasti heimurinn
hendi ég þeim til baka
Gunnþórunn sendi frá sér ljóða- og minningabók árið 1957.
Ritaskrá
- 1957 Gleym mér ei
