![](https://skald.is/rails/active_storage/representations/eyJfcmFpbHMiOnsibWVzc2FnZSI6IkJBaHBBaGNJIiwiZXhwIjpudWxsLCJwdXIiOiJibG9iX2lkIn19--0c4d008bed77b2bf97810cb205651f87a1db392b/eyJfcmFpbHMiOnsibWVzc2FnZSI6IkJBaDdDem9VYzJGdGNHeHBibWRmWm1GamRHOXlTU0lLTkRveU9qQUdPZ1pGVkRvTWNYVmhiR2wwZVdsYU9ncHpkSEpwY0ZRNkRtbHVkR1Z5YkdGalpVa2lDVXBRUlVjR093WlVPZzlqYjJ4dmNuTndZV05sU1NJSmMxSkhRZ1k3QmxRNkRHTnZiblpsY25RdyIsImV4cCI6bnVsbCwicHVyIjoidmFyaWF0aW9uIn19--025048454440a4ffbe1bfbd2ffec4bffda87ad8b/6d7981_9c05c787fadc44e386c4b174deed1e83~mv2.jpg)
Eygló Jónsdóttir
Eygló Jónsdóttir fæddist árið 1957 og er uppalin í Hafnarfirði.
Eygló er rithöfundur og kennari; hún kenndi fyrst um sinn í grunnskólum og síðar í framhaldsskólum. Eygló er með meistaragráðu í ritlist frá Háskóla Íslands. Hún situr í ritnefnd fyrir tímaritið Mannúð, sem fjallar um frið og mannréttindi. Hún hefur skrifað fjölda greina í blöð og tímarit og ljóð eftir hana og sögur hafa birst í safnritum, á borð við jólabækur Blekfjelagsins. Þá hefur hún tekið þátt í Skáld í skólum á vegum Rithöfundasambandsins.
Eygló hefur einnig haldið fjölda fyrirlestra um friðar- og mannréttindarmál og skipulagt fræðslusýningar um þessi mál ásamt umhverfisvernd. Hún er formaður Búddistasamtakanna SGI á Íslandi, sem eru friðar- og mannúðarsamtök, sem starfa á vettvangi friðar, menntunar og menningar. Þá hefur hún tekið þátt í starfi friðarhreyfinga á Íslandi til fjölda ára og meðal annars komið að því að skipuleggja friðargönguna á Þorláksmessu og kertafleytinguna á Reykjavíkurtjörn í minningu fórnarlamba kjarnorkuárásanna á Hírósíma og Nagasakí. Eygló hefur hlotið fjölda friðar- og samfélagsverðlauna fyrir störf sín í þágu friðar.
Ritaskrá
- 2023 Sóley í undurheimum
- 2022 Hjónakapall (leikrit)
- 2022 Kakkalakkar (leikrit)
- 2021 Rauðar silkinærbuxur (leikrit)
- 2021 Sóley og töfrasverðið
- 2020 Samhengi hlutanna
- 2018 Áttun
- 2017 Ljóti jólasveinninn
- 1997 Gjöf
Verðlaun og viðurkenningar
- 1996 Ljóð valið til að birtast í Blánótt, ljóð Listahátíðar