Friðrika Benónýsdóttir
Friðrika er fædd á Húsavík 1956 og alin upp í Reykjadal í Þingeyjarsýslu.
Friðrika lauk stúdentspróf frá Menntaskólann á Ísafirði 1981og stundaði nám í almennri bókmenntafræði við Háskóla Íslands á árunum 1982-1988.
Friðrika hefur sinnt margvíslegum ritstörfum og blaðamennsku á ýmsum miðlum, svo sem Morgunblaðinu, Heimsmynd, Rás 1, Fréttablaðinu, Fréttatímanum, Stundinni, Gay Iceland og Mannlífi. Meðfram blaðamennskunni hefur hún verið bókmenntagagnrýnandi á þessum miðlum og meðal annars í fjögur ár í hópi gagnrýnenda Kiljunnar á RÚV. Auk þess starfaði hún sem prófarkalesari á Fréttablaðinu frá 2008-2010 og var menningarritstjóri blaðsins 2013-2015.
Fyrsta verk Friðriku á prenti var ljóðabókin Steinfuglar (1992) sem hún gaf út sjálf. Eitt þekktasta verk hennar er líklega ævisaga Ástu Sigurðardóttur, Minn hlátur er sorg (1992). Nýjasta skáldverk hennar frumsamið er Vályndi (2017), hér segir Friðrika frá efni bókarinnar og tilurð. Fyrir hana var Friðrika tilnefnd til Rauðu hrafnsfjaðrarinnar fyrir bestu kynslífslýsingu ársins. Þá hefur Friðrika einnig lagt stund á þýðingar.
Friðrika á tvær dætur og tvo dóttursyni.
Ritaskrá
- 2017 Vályndi (skáldsaga)
- 2017 Eldheit ástarbréf (safn ástarbréfa frá ýmsum tímum)
- 1997 Nema ástin (skáldsaga)
- 1992 Minn hlátur er sorg. Ævisaga Ástu Sigurðardóttur
- 1992 Steinfuglar (ljóðabók)
Tilnefningar
- 2023 Til Ísnálarinnar fyrir þýðingu á Ríki Óttans eftir Hilary Rodham Clinton og Louise Penny
- 2018 Til Ísnálarinnar fyrir þýðingu á Konan í glugganum eftir A. J. Finn
- 2017 Til Rauðu hrafnsfjaðrarinnar fyrir bestu kynlífslýsingu í skáldsögunni Vályndi
Þýðingar
- 2022 Ríki Óttans eftir Hilary Rodham Clinton og Louise Penny
- 2019 Svört perla eftir Lizu Marklund
- 2019 Silfurvegurinn eftir Stinu Jackson
- 2018 Konan í glugganum eftir A.J. Finn