Jóna Guðbjörg Torfadóttir∙16. apríl 2023
SKEMMTILEG BÓKMENNTAGANGA - Borgarbókasafnið 100 ára
Í tilefni af 100 ára afmæli Borgarbókasafnsins var boðið upp á skemmtilega bókmenntagöngu í gær um miðbæinn. Kristín Svava Tómasdóttir, skáld og sagnfræðingur, leiddi gönguna og bæði fræddi og skemmti viðstöddum með sögum af hnyttnum skáldkonum, ljósmæðrum, fyllibyttum og ást í meinum, svo að fátt eitt sé nefnt.
Með í för var Soffía Bjarnadóttir, skáldkona og verkefnastjóri bókmenntaviðburða, sem hélt utan um dagskrána og Haukur Már Helgason, rithöfundur og heimspekingur, sem las úr nýjustu bók sinni, Tugthúsinu,
Gangan endaði við Farsóttarhúsið en fræðirit Kristínar Svövu, Farsótt: Hundrað ár í Þingholtsstræti 25, hlaut Fjöruverðlaunin í ár, í flokki fræðarita.
Myndir: JGT