Kristín Svava Tómasdóttir
Kristín Svava Tómasdóttir er fædd 20. nóvember 1985 í Reykjavík þar sem hún ólst upp.
Kristín Svava lauk meistaranámi í sagnfræði frá Háskóla Íslands árið 2014.
Kristín Svava er bæði fræðimaður og ljóðskáld og hefur sent frá sér hvort tveggja fræðirit og ljóðabækur.
Kristín Svava hefur einnig lagt stund á þýðingar og birt ljóðaþýðingar í ýmsum tímaritum. Þá hefur hún samið söngtexta, t.d. fyrir plötuna Ávarp undan sænginni, með Tómasi R. Einarssyni og Ragnhildi Gísladóttur.
Kristín Svava var ein af yfirritstjórum ritraðarinnar Meðgönguljóða. Hennar eigin ljóð hafa birst í tímaritum bæði á Íslandi og erlendis, auk þess að birtast á bókum.
Kristín Svava hefur hlotið ýmsar tilnefningar fyrir verk sína og hlaut Viðurkenningu Hagþenkis fyrir fræðiritið Stund klámsins.
Ritaskrá
- 2022 Farsótt: Hundrað ár í Þingholtsstræti 25
- 2020 Konur sem kjósa (ásamt Erlu Huldu Halldórsdóttur, Ragnheiði Kristjánsdóttur og Þorgerði H. Þorvaldsdóttur)
- 2020 Hetjusögur
- 2018 Stund klámsins. Klám á Íslandi á tímum kynlífsbyltingarinnar
- 2015 Stormviðvörun
- 2011 Skrælingjasýningin
- 2009 Dr. Usli
- 2007 Blótgælur
Verðlaun og viðurkenningar
- 2023 Fjöruverðlaunin í flokki fræðarita fyrir Farsótt: Hundrað ár í Þingholtsstræti 25
- 2019 Viðurkenning Hagþenkis fyrir Stund klámsins
Tilnefningar
- 2022 Til íslensku bókmenntaverðlaunanna fyrir Farsótt: Hundrað ár í Þingholtsstræti 25
- 2021 Til Fjöruverðlaunanna fyrir Hetjusögur
- 2020 Til íslensku bókmenntaverðlaunanna (ásamt Erlu Huldu Halldórsdóttur, Ragnheiði Kristjánsdóttur og Þorgerði H. Þorvaldsdóttur) fyrir Konur sem kjósa
Þýðingar
- 2016 Þungi eyjunnar, eftir kúbanska skáldið Virgilio Piñera
