BRAGÐAREFUR
Bragðarefur Guðrúnar Ingólfsdóttur er skemmtileg bók sem inniheldur marga gullmola úr ranni genginna Íslendinga
. 
Viljurðu eiga góða kvöldstund þá er mæli ég með því að næla sér í eitt eintak af bókinni því hún svíkur engan. Guðrún er snillingur í að gramsa og finna skemmtilega hluti og við hin erum þakklát.
Á baksíðu bókarinnar kemur fram að Guðrún hefur tínt saman ýmsan fróðleik upp úr handritum frá ýmsum tímum í vörslu handritadeildar. Tilgangurinn er að veita lesendum innsýn inn í líf fólks hér á árum áður.
Dæmi úr bókinni er t.d. útskýringar á gömlum mánaðarnöfnum. Þar segir Guðrún.:
Jóhannes Oes ... crites 2 segir að janúaríus hafi nafn af því latínska orði janua sem þýðir dyr. Því svo sem vér göngum um dyrnar í eitt hús, svo göngum vér inn í ársins hring með inngöngu janúarii. Aðrir vilja að janúaríus hafi nafn af því latínska orði jano, hver Janó að var heiðingjanna afguð, hverjum þeir góðar gjafir skenktu og kölluðu sinn fyrsta mánuð eftir hans nafni.
Þá segir svo um febrúar
Dúrandus skrifar að febrúaríus hafi nafn af því orði februa, sem þýðir offur3 eður hreinsun. Heiðingjar offruðu þessum mánuði fyrir sálum dauðra manna.
Í bókinni má líka finna þessa gullmola:
Málsháttasafn
Aldrei ættu vondir menn vinir að vera
Alls staðar er góðum gott
Betra er að biðja en stela
Enginn er í öllu heimskur
Fleira er sætt er vel ætt
og svo
Af litlum neista nærist stór eldur
Af litlum svikum verður enginn ríkur.
og þetta
Samviskan er skipspresturinn
Skynsemin er skipherrann
Hjartað er káetan
Maginn er skipsholið
Bragðarefur skiptist í nokkra kafla eins og lækningamolar, molar um útlistmörkun og eðli mannsins, molar um karla, þjóðir, galdur og svo mætti áfram telja.
Bókin kom út nú fyrir stuttu.
Takk Guðrún
Kv Magnea
