FJÖRUTÍU ÁRA SKÁLDAAFMÆLI MARGRÉTAR LÓU!
Margrét Lóa Jónsdóttir ljóðskáld fagnar nú í haust fjörutíu ára skáldaafmæli sínu en fyrstu ljóðabókina, Glerúlfa, sendi hún frá sér 11. október árið 1985 - aðeins átján ára gömul. Síðan hefur komið út eftir hana fjöldi ljóðabóka og fyrir þá síðustu, Pólstjarnan fylgir okkur heim, hlaut hún Bókmenntaverðlaun Reykjavíkurborgar, sem kennd eru við Tómas Guðmundsson skáld. Pólstjarnan kom út í fyrra og var tólfta ljóðabók Margrétar Lóu.
Margrét Lóa ætlar að fagna þessum áfanga á laugardaginn 11. október með ljóðalestri á Kaffi Golu á Hvalsnesi í Sandgerði og þar mun hún meðal annars lesa upp úr fyrstu ljóðabók sinni. Með Margréti Lóu verða fleiri skáld eins og sjá má í frétt um viðburðinn.
Hér fyrir neðan má lesa tvö ljóð úr fyrstu ljóðabókinni, Glerúlfar, sem kom út fyrir 40 árum:
Í býtinuÉg reyndi að laða fram G-lykilí marga daga og margar nætur.Söknuðurinn yfirtekur ljóðformið.Ég reyndi að knýja á þögnina.Á orð.Og ég málaði myndir– en skúffurnar brosmildar og dularfullarfylltust af þér.DýptÉg sleiki varir mínarsaltar þurrar.Hugsa um líf í þöglumblautum skógi.Miskunnarlaus tíminn.Virðir ekkert.Ég hlæ.Gaspra við bleika fuglaúr brenndu víni.Ég bíð. Og þráinkitlar mjúklega í augað.Margrét Lóa 1985
