BLIND RATAÐI HÚN Á HLÁTURINN, YLINN OG ÞUNGAN ILMINN
Vala Hauksdóttir. Félagsland. Mál og menning 2025, 66 bls.
Á síðasta ári kom út eftirtektarverð ljóðabók. Bók sú kallast Félagsland og er fyrsta verk höfundar, Völu Hauksdóttur.
Vala vann Ljóðstaf Jóns úr Vör fyrir ljóð sitt „Verk að finna" árið 2022. Það ljóð er að finna í bókinni og má sjá tengil á það hér fyrir neðan og sömuleiðis ræðuna sem Vala flutti af þessu tilefni.
Félagsland geymir tæplega 50 ljóð sem hverfast flest um félagsheimili landsins. Bókin er auk þess skrýdd ljósmyndum af ýmsum félagsheimilum sem fengnar hafa verið að láni frá byggðasöfnum. Það fer afar vel á þessum myndum; þær eru haganlega uppsettar, þar sem þær renna saman hver við aðra, og auka mjög á stemninguna í bókinni.
Vala segir, í viðtali í Kiljunni, lengi hafa verið heilluð af félagsheimilum. Hún segist vera héðan og þaðan af landinu en þegar hún komi inn í eitthvert félagsheimilið finnist henni hún vera komin heim; þau séu öll eins. Þá segir hún titilinn þannig tilkominn að þessar miðstöðvar heiti oft félags- eitthvað eða -land eitthvað og vildi hún finna eitthvað sambærilegt.
Mögulega er Vala sjálf brottflutti gesturinn í eftirfarandi prósaljóði:
Athvarf
Ljóðin eru mörg snjöll, einkum framan af bókinni, líkt og þessi lýsing ber með sér:
Trúlega höfum við flest, ef ekki öll, átt svona samtal á einhverjum mannfagnaðinum. Félagsheimilin eru einnig kunnugleg, notalega nostalgísk og heimilisleg, og ramma skemmtilega inn ljóðin. Þetta er frumleg nálgun og bókin er fínasta frumraun. Það verður spennandi að fylgjast með þessari skáldkonu og vonandi verður þess ekki langt að bíða að hún sendi frá sér aðra bók.
