Guðrún Eva Mínervudóttir
Guðrún Eva Mínervudóttir er fædd í Reykjavík 17. mars 1976.
Guðrún Eva stundaði nám í ýmsum framhaldsskólum á árunum 1993 til 1996 og vann jafnframt sem barþjónn og við framreiðslu á veitingahúsum. Hún hóf nám í heimspeki við Háskóla Íslands 1997 og stundaði það með hléum þar til hún lauk prófi 2007. Hún var blaðamaður í lausamennsku hjá Helgarpóstinum 1996-1997.
Fyrsta bók Guðrúnar Evu, Sóley sólufegri, kom út í mjög takmörkuðu upplagi árið 1998 en sama ár gaf Bjartur út eftir hana smásagnasafnið Á meðan hann horfir á þig ertu María mey og vakti það mikla athygli. Síðan hafa margar skáldsögur bæst í hópinn, auk ljóðabókar og heimspekilegra smásagna fyrir börn.
Guðrún Eva hlaut Íslensku bókmenntaverðlaunin árið 2012 fyrir skáldsögu sína Allt með kossi vekur og hefur hún hlotið tilnefningar til sömu verðlauna nokkrum sinnum fyrir önnur verk. Sagan af sjóreknu píanóunum hlaut tilnefningu til Menningarverðlauna DV í bókmenntum árið 2002 og Guðrún Eva hlaut þau verðlaun síðan 2005 fyrir skáldsöguna Yosoy. Kvikmyndafyrirtækið Pegasus hefur keypt kvikmyndaréttinn að bókinni.
Guðrún Eva Mínervudóttir á eina dóttur og býr í Reykjavík.
Ritaskrá
- 2024 Í skugga trjánna
- 2022 Útsýni
- 2019 Aðferðir til að lifa af
- 2018 Ástin, Texas
- 2016 Skegg Raspútíns
- 2011 Allt með kossi vekur
- 2008 Skaparinn
- 2005 Yosoy: Af líkamslistum og hugarvíli í hryllingsleikhúsinu við Álafoss
- 2002 Albúm
- 2002 Sagan af sjóreknu píanóunum
- 2001 Valur: heimspekilegar smásögur
- 2002 Geitungagildrar - ópr. útvarpsleikrit
- 2000 Á brún alls fagnaðar: ljóð handa Hrafni
- 2000 Fyrirlestur um hamingjuna
- 1999 Ljúlí ljúlí
- 1998 Á meðan hann horfir á þig ertu María mey
Verðlaun og viðurkenningar
- 2024 Viðurkenning bóksala (1. sæti) fyrir Í skugga trjánna
- 2020 Viðurkenning Rithöfundasjóðs Ríkisútvarpsins
- 2012 Íslensku bókmenntaverðlaunin fyrir Allt með kossi vekur
- 2006 Menningarverðlaun DV í bókmenntum fyrir Yosoy
Tilnefningar
- 2024 Til Íslensku bókmenntaverðlaunanna fyrir Í skugga trjánna
- 2021 Til Bókmenntaverðlauna Norðurlandaráðs fyrir Aðferðir til að lifa af
- 2019 Til Íslensku bókmenntaverðlaunanna fyrir Aðferðir til að lifa af
- 2016 Til Íslensku bókmenntaverðlaunanna fyrir Skegg Raspútíns
- 2014 Til Fjöruverðlaunanna fyrir Englaryk
- 2008 Til Íslensku bókmenntaverðlaunanna fyrir Skaparinn
- 2000 Til Íslensku bókmenntaverðlaunanna fyrir Fyrirlestur um hamingjuna
Þýðingar
(í vinnslu)
Þýðingar á verkum Guðrúnar Evu:
- 2022 Veje til at overleve (Nanna Kalkar þýddi á dönsku)
- 2022 Austin från Texas (John Swedenmark þýddi á sænsku)
- 2021 When his eyes are on you, you are the Virgin Mary - bókarkafli (Megan Alica Matich þýddi á ensku)
- 2020 Unter Engeln (Anita Lüters-Wolff þýddi á þýsku)
- 2017 Srashtavu (Abraham þýddi á malayalam)
- 2015 Album (Catherine Eyjólfsson þýddi á frönsku)
- 2014 Le créateur (Catherine Eyjólfsson þýddi á frönsku)
- 2014 Alles beginnt mit einem Kuss (Anita Lüters-Wolff þýddi á þýsku)
- 2013 Tutto si risveglia con y bacio (Silvia Cosimini þýddi á ítölsku)
- 2012 Yosoy. Skrækteatret ved verdens ende (Nanna Kalkar þýddi á dönsku)
- 2012 The creator (Sarah Bowen þýddi á ensku)
- 2011 Der Schöpfter (Tina Flecken þýddi á þýsku)
- 2010 Nukentekijä (Juha Peura þýddi á finnsku)
- 2010 Il creatore (Silvia Cosimini þýddi á ítölsku)
- 2008 Pendant qu’il te regarde tu es la Vierge Marie (Catherine Eyjólfsson þýddi á frönsku)
- 2007 Yosoy (Silvia Cosimini þýddi á ítölsku)
Þýðingar Guðrúnar Evu:
- 2014 Rhidian Brook: Eftirköstin
- 2006 Sue Monk Kidd: Leyndardómur býflugnanna
- 2003 Zizou Corder: Ljónadrengurinn
