Sigurlín Bjarney Gísladóttir
Sigurlín Bjarney er fædd í Hafnarfirði árið 1975 en ólst upp í Sandgerði.
Sigurlín hefur fengist við ýmis skrifstofustörf en líka leiðsögustörf, prófarkalestur og kennslu. Hún er með meistaragráðu í ritlist og íslenskum bókmenntum frá Háskóla Íslands.
Fyrsta bók Sigurlínar Bjarneyjar, Fjallvegir í Reykjavík, kom út árið 2007 og hefur að geyma prósaljóð. Síðan hefur hún sent frá sér fleiri ljóðabækur, örsagna- og smásagnasafni og nóvellur.
Undanfarin ár hefur Sigurlín Bjarney stundað rannsóknir á handriti Gandreiðar eftir Jón Daðason frá Arnarbæli auk íslenskukennsku í framhaldsskóla.
Sigurlín Bjarney hlaut Nýræktarstyrk Miðstöðvar íslenskra bókmennta fyrir handritið að annarri bók sinni Svuntustreng sem kom út 2019. Einnig hefur hún tvisvar sinnum verið tilnefnd til ljóðabókaverðlaunanna Maístjörnunnar, fyrir bækurnar Tungusól og nokkrir dagar í maí og Undrarýmið.
Ritaskrá
- 2022 Sólrún. Saga um ferðalag
- 2019 Stínusögur
- 2019 Undrarýmið
- 2016 Tungusól og nokkrir dagar í maí
- 2015 Ég erfði dimman skóg (ásamt sex öðrum skáldkonum)
- 2015 Jarðvist
- 2013 Bjarg
- 2009 Svuntustrengur
- 2007 Fjallvegir í Reykjavík
Verðlaun og viðurkenningar
- 2016 Þriðja sæti fyrir ljóðið „Arfur“ í samkeppni um Ljóðstaf Jóns úr Vör
- 2014 Fjölís styrkur Rithöfundasambandsins
- 2009 Nýræktarstyrkur Miðstöðvar íslenskra bókmennta: Svuntustrengur
- 2006 Gaddakylfan (glæpasöguverðlaun): Smásagan „Þjóðvegur eitt“
Tilnefningar
- 2020 Tilnefning til Maístjörnunnar fyrir Undrarýmið
- 2017 Tilnefning til Maístjörnunnar fyrir Tungusól og nokkrir dagar í maí
