Nanna Rögnvaldardóttir
Nanna Rögnvaldardóttir fæddist 20. mars 1957 og ólst upp í Skagafirði.
Nanna varð stúdent frá Menntaskólanum á Akureyri 1977 og stundaði síðan nám í sagnfræði við Háskóla Íslands um tíma. Hún hefur starfað við bóka- og tímaritaútgáfu frá 1986, lengst af hjá Iðunni og Forlaginu við ritstjórn bóka.
Nanna hefur sent frá sér um 25 matreiðslubækur og bækur um mat, auk annarra bóka, og tók sjálf ljósmyndir fyrir allar bækur sínar frá 2012.
Fyrsta bók Nönnu um mat var alfræðibókin Matarást sem var tilnefnd til Íslensku bókmenntaverðlaunanna í flokki fræðirita og hlaut viðurkenningu Hagþenkis, sem og viðurkenningu bókasafnsfræðinga sem besta uppflettiritið. Nanna hefur einnig skrifað bækur um íslenska matargerð á ensku og þýtt fjölda bóka. Hún er þekkt hérlendis sem erlendis fyrir yfirgripsmikla þekkingu á mat og íslenskri matarsögu og hefur haldið erindi á ýmsum ráðstefnum og skrifað um mat í blöð og tímarit.
Nanna er með heimasíðu sem kallast Konan sem kyndir ofinn sinn. Þar er fjöldi mataruppskrifta sem fylgja skemmtilegar færslur frá Nönnu.
Ritaskrá
- 2024 Þegar sannleikurinn sefur (skáldsaga)
- 2023 Valskan (skáldsaga)
- 2022 Countdown to Christmas: festive Icelandic recipes and lore
- 2021 Borð fyrir tvo: allan ársins hring
- 2018 Beint í ofninn: heimilismatur og hugmyndir
- 2017 Pottur, panna og Nanna
- 2016 Eitthvað ofan á brauð
- 2016 Létt og litríkt
- 2015 Sætmeti án sykurs og sætuefna
- 2015 Ömmumatur Nönnu
- 2014 Icelandic Food and Cookery, endurskoðuð (íslensk) útgáfa
- 2014 Does Anyone Actually Eat This?
- 2013 Kjúklingaréttir Nönnu
- 2012 Múffur í hvert mál
- 2011 Jólamatur Nönnu
- 2010 Smáréttir Nönnu
- 2009 Maturinn hennar Nönnu
- 2008 Af bestu lyst 3
- 2007 Maturinn okkar: sígildir íslenskir réttir
- 2005 Lambakjöt
- 2005 Jólahefðir
- 2004 Cool Cuisine: traditional Icelandic cuisine
- 2004 Cool Dishes: traditional Icelandic cuisine
- 2002 Icelandic Food and Cookery, bandarísk útgáfa
- 2001 Matreiðslubók Nönnu
- 1998 Matarást: alfræðibók um mat og matargerð
- 1991 Skilmálarnir hennar Maríu
- 1991 Heiðar eins og hann er
- 1989 Ævi mín og sagan sem ekki mátti segja
Verðlaun og viðurkenningar
- 1998 Viðurkenning Hagþenkis fyrir Matarást.
- 1998 Viðurkenning bókasafnsfræðinga fyrir besta uppflettiritið, Matarást.
Tilnefningar
- 1998 til Íslensku bókmenntaverðlaunanna í flokki fræðirita fyrir Matarást.
Heimasíða
https://nannarognvaldar.com/
