SKÁLD.IS

Björg Guðrún Gísladóttir er fædd í Reykjavík 2. október 1956. 

Hún stundaði nám á myndlistarbraut Fjölbrautaskólans í Breiðholti og lauk BA gráðu í bókmenntafræði og ritlist frá Háskóla Íslands 2008.

Björg á þrjú börn og meðfram barnauppeldi skrifaði hún ljóð sem til að byrja með enduðu ofan í skúffu. Nokkur ljóða hennar birtust síðan í tímaritinu Andblæ og í Lesbók Morgunblaðsins.

Árið 1995 sendi Björg frá sér ljóðabókina Sigurvegarinn sárfætti og 2014 minningasöguna Hljóðin í nóttinni og svo aðra minningasögu, Skuggasól, árið 2019. Eftir útgáfu fyrri minningasögunnar hafa Björg og dr. Guðbjörg Ottósdóttir haldið fyrirlestra um börn í ábyrgðarhlutverkum, fyrir fagfólk og aðra sem vinna með fjölskyldum með frávik.

Björg hefur einnig skrifað fyrir leiksvið. Árið 1994 skrifaði hún einleikinn Þá mun enginn skuggi vera til sem sýndur var víðs vegar um Ísland, sem og í Svíþjóð og Noregi. Einleikurinn fjallar um sifjaspell og afleiðingar þess.

Björg sat í leikritasmiðju á vegum Leikskáldafélags Íslands og Borgarleikhússins og skrifað þar einþáttunginn Brenndar varir sem sýndur var á Litla sviði Borgarleikhússins. Hann fjallar um konu sem horfist í augu við samkynhneigð sína.

Björg hefur hlotið hrós gagnrýnenda fyrir að stíga fram af miklu hugrekki og lýsa því hvernig kerfið og samfélagið brást börnum sínum á þeim tíma sem hún var að alast upp.