LÍFIÐ ER ÆVINTÝRI: VIGDÍSARÞING Í HANNESARHOLTI
Á morgun, laugardaginn 4. nóvember, verður blásið til þings í Hannesarholti í tilefni þess að Vigdís Grímsdóttir varð sjötug á árinu, sem og í tilefni útgáfu nýrrar bókar hennar sem nefnist ÆVINTÝRIÐ.
Eftir þingið verður opnuð málverkasýning Vigdísar sem nefnist SKÁLDKISUR Á STRIGA ÁN TITILS.
Í kynningu á Ævintýrinu segir:
Í heitasta landi heims skríða eðlur á veggjum, höfrungar leika listir sínar í sjónum og ljón standa á vegum. Þar búa vinirnir Drengur og Fiskur sem eru líkari en margan gæti grunað. Djúpvitur og hrífandi saga um óvænta vináttu, misskiptingu valds og auðs og fegurðina í óhugnaðinum; skrifuð af einstakri frásagnargleði og næmi fyrir mannlegu eðli.
Þingið hefst kl. 13 og eru allir velkomnir meðan húsrúm leyfir.
Hér má sjá lista yfir þá sem taka til máls á þinginu, bæði í formi erinda og upplesturs úr verkum Vigdísar:
-
Ásta Björk Sveinbjörnsdóttir
-
Gerður Kristný
-
Jórunn Sigurðardóttir
-
Kristín Eiríksdóttir
-
Guðrún Steinþórsdóttir
-
Steinunn Gróa Sigurðardóttir
-
Kristín Ómarsdóttir
-
Hanna María Karlsdóttir og Ragnheiður Steindórsdóttir
-
Hlé
-
Olga Guðrún Árnadóttir
-
Bergljót Soffía Kristjánsdóttir
-
Hanna Óladóttir
-
Sigríður Halldórsdóttir
-
Hólmfríður Helga Sigurðardóttir
-
Kristrún Heimisdóttir
-
Sigurbjörg Þrastardóttir
-
Þóra Sigríður Ingólfsdóttir
