Vigdís Grímsdóttir
Vigdís Grímsdóttir er fædd í Reykjavík þann 15. ágúst 1953.
Vigdís lauk kennaraprófi frá Kennaraskóla Íslands 1973, BA prófi í íslensku og bókasafnsfræði frá Háskóla Íslands 1978 og prófi í uppeldis- og kennslufræði frá Kennaraháskóla Íslands 1982. Hún stundaði kandidatsnám í íslenskum bókmenntum við Háskóla Íslands 1984–1985.
Vigdís starfaði sem grunnskóla- og framhaldsskólakennari í Reykjavík og Hafnarfirði til 1990 en hefur síðan nær eingöngu fengist við ritstörf.
Fyrsta bók Vigdísar, smásagnasafnið Tíu myndir úr lífi þínu, kom út árið 1983 og síðan hefur hún sent frá sér ljóðabækur, annað smásagnasafn og skáldsögur, þar af eina barnabók. Leikgerðir við tvær skáldsagna hennar hafa verið settar upp á Íslandi og í Svíþjóð. Á nýársdag 2004 var kvikmynd Hilmars Oddssonar Kaldaljós frumsýnd, en hún er byggð á samnefndri skáldsögu Vigdísar frá 1987.
Vigdís hefur hlotið margvíslegar viðurkenningar fyrir ritstörf sín og bækur hennar hafa verið þýddar á önnur mál.
Vigdís Grímsdóttir á tvö uppkomin börn.
Ritaskrá
- 2023 Ævintýrið
- 2019 Systa. Bernskunnar vegna
- 2016 Elsku Drauma mín
- 2013 Dísusaga: Konan með gulu töskuna
- 2011 Trúir þú á töfra
- 2007 Sagan um Bíbí Ólafsdóttur
- 2005 Þrenningin
- 2003 Þegar stjarna hrapar
- 2002 Hjarta, tungl og bláir fuglar
- 2001 Frá ljósi til ljóss
- 2000 Þögnin
- 1998 Nætursöngvar
- 1996 Z: Ástarsaga
- 1996 Gauti vinur minn
- 1994 Grandavegur 7
- 1992 Stúlkan í skóginum
- 1991 Lendar elskhugans
- 1990 Minningabók
- 1989 Ég heiti Ísbjörg, ég er ljón
- 1987 Kaldaljós
- 1985 Eldur og regn
- 1983 Tíu myndir úr lífi þínu: Sögur um þykjustuleiki og alvörudrauma
Verðlaun og viðurkenningar
- 2017 Verðlaun Jónasar Hallgrímssonar
- 2012 Menningarverðlaun DV í bókmenntum fyrir Trúir þú á töfra?
- 2007 Bókmenntaverðlaun starfsfólks bókaverslana fyrir Söguna um Bíbí Ólafsdóttur
- 2001 Menningarverðlaun DV í bókmenntum: Þögnin
- 1994 Íslensku bókmenntaverðlaunin fyrir Grandaveg 7
- 1993 Davíðspenninn fyrir Stúlkan í skóginum
- 1992 Rithöfundasjóður Ríkisútvarpsins
- 1990 Menningarverðlaun DV fyrir Ég heiti Ísbjörg, ég er ljón
Tilnefningar
- 2023 Til Fjöruverðlaunanna fyrir Ævintýrið
- 2013 Til Fjöruverðlaunanna fyrir Dísusögu: konan með gulu töskuna
- 2013 Til Íslensku bókmenntaverðlaunanna fyrir Dísusögu: konan með gulu töskuna
- 2007 Til Íslensku bókmenntaverðlaunanna fyrir Söguna um Bíbí Ólafsdóttur
- 1997 Til Norrænu barnabókaverðlaunanna fyrir Gauti vinur minn
- 1996 Til Íslensku bókmenntaverðlaunanna fyrir Z : ástarsögu
- 1996 Til Bókmenntaverðlauna Norðurlandaráðs fyrir Grandaveg 7
- 1994 Til Bókmenntaverðlauna Norðurlandaráðs fyrir Stúlkuna í skóginum
Þýðingar
(í vinnslu)
