TILNEFNINGAR TIL MAÍSTJÖRNUNNAR
Tilnefningar til ljóðabókaverðlaunanna Maístjörnunnar voru kynntar í Gunnarshúsi í gær en tilnefnd verk eru:
-
Vandamál vina minna eftir Hörpu Rún Kristjánsdóttur.
-
Flagsól eftir Melkorku Ólafsdóttur og Unu Hlíf Bárudóttur.
-
Til hamingju með að vera mannleg eftir Sigríði Soffíu Níelsdóttur.
-
Í myrkrinu fór ég til Maríu eftir Sonju B. Jónsdóttur.
-
Áður en ég breytist eftir Elías Knörr.
-
Dulstirni/Meðan glerið sefur eftir Gyrði Elíasson.
Maístjarnan eru á vegum Rithöfundasambands Íslands og Landsbókasafns Íslands – Háskólabókasafns og eru einu verðlaunin á Íslandi sem eru eingöngu veitt fyrir útgefna íslenska ljóðabók. Allar ljóðabækur frá síðasta ári, alls 83 talsins, voru lagðar fyrir dómnefnd en í henni sitja Guðrún Eva Mínervudóttir fyrir hönd Rithöfundasambandsins og Jakub Stachowiak fyrir hönd Landsbókasafnsins.
Tilnefndar bækur verða allar til sýnis í anddyri Þjóðarbókhlöðunnar frá og með þriðjudeginum 23. apríl og verða verðlaunin veitt við athöfn í Þjóðarbókhlöðunni þann 15. maí.
