SKÁLD.IS

Natasha S er fædd í Rússlandi árið 1987. Hún flutti til Íslands árið 2012. Natasha er menntuð í blaðamennsku og hefur skrifað greinar í lausamennsku um nýja heimaland sitt .

Árið 2016 útskrifaðist hún frá Háskóla Íslands með BA-gráðu í íslensku sem annað mál og með sænsku sem aukagrein.

Natasha S. hefur þýtt íslensk skáldverk á rússnesku, til dæmis Kviku eftir Þóru Hjörleifsdóttur. Hún ritstýrði safnriti ljóða eftir skáld af erlendum uppruna, sem nefnist Pólífónía af erlendum uppruna, og var auk þess einn höfunda ritsins. Þá er hún annar tveggja ritstjóra að greinarsafninu Skáldreki sem hefur að geyma ritgerðir eftir höfunda af erlendum uppruna.

Fyrsta ljóðabók Natöshu var Máltaka á stríðstímum en fyrir hana hlaut hún bókmenntverðlaun Tómasar Guðmundssonar 2022. Síðan hefur hún sent frá sér fleiri verk og birt ljóð í tímaritum, t.d. í Tímariti Máls og menningar, 3. hefti 2022.