SKÁLD.IS

Á uppvaxtarárum Þórhildar var æskudalurinn hennar þéttsetinn byggð, stutt á milli bæja búið á hverju býli. Æsku- og uppvaxtarár Þórhildar liðu við venjuleg sveitastörf; „baðstofan var skólastofan, þar var lesið, kveðnarrímur, sagðar sögur, sungið og brugðið á leik og þar naut hagmælskan sín vel.“ Þórhildur flutti síðan til Reykjavikur og bjó með Aðalsteini Sveinbjörnssyni verkamanni þar til hann lést 1988, hún var áður gift Víglundi Gíslasyni daglaunamanni (d. 1977) en þau slitu samvistir. Með honum átti hún þrjú börn. Einnig eignaðist hún dreng sem ungur dó af slysförum.

Í minningargrein um Þórhildi sem birtist í Morgunblaðinu segir:

„Þórhildur var ein af þeim konum sem setti svip sinn á samtíðina. Það var alls staðar tekið eftir henni hvar sem hún kom eða hvert sem hún fór, hún gat aldrei horfið í skugga fjöldans. Hún hafði mjög góða rithönd, var ágætlega máli farin og góður upplesari og kom það sér vel þegar hún var að kynna öðrum það sem hún sjálf hafði samið í bundnu eða óbundnu máli. Hún gerði töluvert af því að skrifa sögur og frásagnir og fórst það vel úr hendi og er töluvert eftir hana á prenti í þeim efnum“.

Þar segir einnig: „Þórhildur bjó yfir stóru og viðkvæmu geði sem var vel tamið, aldrei uppgjöf þó syrti í álinn, baráttuviljinn sigraði erfiðleikana, lét aldrei baslið smækka sig. Hún hafði hreinan og bjartan svip, sem var þegjandi vottur um áræði og viljaþrótt. Það var alltaf hlýtt og bjart í skjóli þessarar heiðurskonu“.

Í formála ljóðabók Þórhildar, Sól rann í hlíð, skrifar Einar Kristjánsson (1917-2015) þessi orð meðal annars: „Ég hef oft verið að velta því fyrir mér, hvort hlutur íslensks alþýðufólks í varðveislu tungunnar langar aldir, hafi verið metinn sem skyldi. Ég efast stundum um það. Það má að minnsta kosti slá því föstu, að hlutur íslenskra kvenna í þeirri sögu er stærri en hægt er að sjá á yfirborðinu einu. Svo margar konur ,,skrifuðu í öskuna öll bestu ljóð“... 

Þórhildur skrifaði merka frásögn í Breiðfirðing 1985 sem heitir Þáttur Maríu og er glögg lýsing á stöðu kvenna fyrr á tímum.

Þórhildur orti lipurlega eftirfarandi heilræðavísu: 

Þórhildur sendi frá sér tvær ljóðabækur, Í gær og í dag og Sól rann í hlíð sem komu út með margra ára millibili.

Þórhildur lést 7. apríl 1990.