SKÁLD.IS

Í tilefni af útkomu nýrrar skáldsögu Steinunnar Sigurðardóttur verður gleðistund í Gunnarshúsi á Dyngjuvegi í Reykjavík,  fimmtudagskvöldið 9. nóv kl 20. 

 

Ólafía Hrönn les upp úr Bóli, nýju bókinni. Guðrún Steinþórsdóttir ætlar að  spjalla live við skáldkonuna sem er í Frans. Svo verða léttar veitingar og BÓL til sölu á tilboði. Velkomin öllíhóp meðan n húsrúm leyfir.

 

Í kynningartexta Forlagsins um Ból segir:

 

Ból er eldheit og grípandi átakasaga um ofurást og hjartasorg, styrk og uppgjöf, listilega stíluð og byggð svo úr verður magnað og margbrotið skáldverk.

Líneik Hjálmsdóttur – LínLín – er ekki fisjað saman. Hún hefur stigið ölduna í stórsjó lífsins og stendur enn keik þrátt fyrir sáran missi og þung áföll. En nú er komið að ögurstund. Náttúran fer hamförum rétt við sælureitinn hennar í sveitinni, hjartastaðinn sem foreldrarnir byggðu upp og ræktuðu. Einbeitt heldur hún til móts við ógnina sem engu eirir – og fortíðina um leið: minningarnar, ástina, leyndarmálin og sorgirnar stóru.

Steinunn Sigurðardóttir hefur skrifað fjölda óviðjafnanlegra verka sem hafa notið verðskuldaðra vinsælda. Skörp sýn hennar á mannlega náttúru, beitt skopskyn og leiftrandi stíll heilla lesendur og ný skáldsaga frá henni sætir ávallt tíðindum.

Sjáumst á fimmtudagskvöldið!