Kristín Ómarsdóttir
Kristín Ómarsdóttir er fædd 24. september 1962 í Reykjavík.
Kristín lauk stúdentsprófi frá Flensborg í Hafnarfirði 1981 og stundaði síðan nám í íslensku, almennri bókmenntafræði og spænsku við Háskóla Íslands.
Kristín hefur jöfnum höndum fengist við ljóða- og skáldsagnagerð, smásögur og leikritun. Hún hefur hlotið fjölda viðurkenninga fyrir verk sín.
Kristín kom fram á sjónarsviðið þegar hún vann fyrstu verðlaun í samkeppni Þjóðleikhússins í tilefni loka kvennaáratugarins fyrir leikritið Draumar á hvolfi árið 1985 og tveimur árum síðar gaf hún fyrstu ljóðabókina sína, Draumar á Hvolfi.
Síðan þá hefur Kristín sent frá sér fjölda ljóðabóka, skáldsagna, smásagna, örsagna og leikrit. Hún hefur fest sig í sessi sem einn frumlegasti rithöfundur þjóðarinnar; stíll hennar og skáldskaparheimur er ólíkur því sem aðrir skrifa.
Kristín hefur hlotið fjölda verðlauna og viðurkenninga. Skáldsagan Elskan mín ég dey tilnefnd til Bókmenntaverðlauna Norðurlandaráðs árið 1999 og leikrit hennar, Ástarsaga 3, var tilnefnt til Norrænu leikskáldaverðlaunanna. Árið 2005 fékk hún Grímuverðlaunin, sem leikskáld ársins, fyrir leikritið Segðu mér allt. Fyrir ljóðabókina Sjáðu fegurð þína hlaut hún Fjöruverðlaunin í flokki fagurbókmennta árið 2008 og 2018 hlaut hún Maístjörnuna fyrir ljóðabókina Kóngulær í sýningargluggum.
2020 gaf bókaforlagið Partus út heildarsafn ljóða Kristínar, sem hefur að geyma allar átta fyrri ljóðabækur hennar.
Kristín hefur einnig unnið að myndlist, sýnt teikningar sínar og tekið þátt í sýningum þar sem hún hefur unnið með ólík form: myndbönd og skúlptúra. Teikningar Kristínar prýða margar af bókarkápum hennar.
Bækur eftir Kristínu hafa verið þýddar á erlend tungumál og ljóð hennar hafa birst í erlendum safnritum.
Ritaskrá
- 2024 Móðurást: Draumþing
- 2023 Móðurást: Oddný
- 2021 Borg bróður míns
- 2020 KÓ Ljóðasafn
- 2019 Svanafólkið
- 2017 Kóngulær í sýningargluggum (ljóð)
- 2015 Flækingurinn
- 2015 Gjöf mín, yðar hátign, Stjörnur / Audition; My Gift, Your Excellency; Stars
- 2014 Tell me more
- 2013 Ljóð í leiðinni: skáld um Reykjavík
- 2013 Elífar speglanir: vísindalegar athuganir
- 2012 Milla
- 2011 Í speglinum sefur kóngur
- 2011 Við tilheyrum sama myrkrinu – af vináttu: Marilyn Monroe og Greta Garbo
- 2009 Hjá brúnni
- 2008 Sjáðu fegurð þína (ljóð)
- 2006 Jólaljóð
- 2005 Segðu mér allt
- 2005 Spítalaskipið
- 2004 Hér
- 2003 Afmælistertan
- 2003 Inn og út um gluggann / in and out the window
- 2003 Vinur minn heimsendir
- 2001 Tvær sögur
- 2001 Hamingjan hjálpi mér I og II
- 2000 Margar konur
- 2000 Sérstakur dagur
- 1998 Lokaðu augunum og hugsaðu um mig
- 1997 Ástarsaga 3 : lovestory #3
- 1997 Elskan mín ég dey
- 1996 Margrét mikla
- 1995 Dyrnar þröngu
- 1993 Þerna á gömlu veitingahúsi (ljóð)
- 1993 Vi kommer att svara i Eran telefon - Við munum svara í síma yðar
- 1992 Svartir brúðarkjólar
- 1991 Einu sinni sögur
- 1990 Hjartatrompet
- 1990 Lísa, Lísa
- 1989 Í ferðalagi hjá þér
- 1987 Demantstorgið
- 1987 Í húsinu okkar er þoka (ljóð)
- 1985 Draumar á hvolfi (leikrit)
Verðlaun og viðurkenningar
- 2018 Maístjarnan fyrir Kóngulær í sýningargluggum
- 2009 Fjöruverðlaunin fyrir Sjáðu fegurð þína
- 2005 Gríman: Leikskáld ársins fyrir Segðu mér allt
- 1998 Menningarverðlaun DV fyrir Elskan mín ég dey
- 1997 Viðurkenning Rithöfundasjóðs Ríkisútvarpsins
- 1985 Fyrstu verðlaun í samkeppni Þjóðleikhússins í tilefni loka kvennaáratugarins: Draumar á hvolfi
Tilnefningar
- 2024 Til Íslensku bókmenntaverðlaunanna fyrir Móðurást: Draumþing
- 2023 Til Fjöruverðlaunanna fyrir Móðurást: Oddný
- 2019 Til Fjöruverðlaunanna fyrir Svanafólkið
- 2019 Til Bókmenntaverðlauna Norðurlandaráðs fyrir Kóngulær í sýningargluggum
- 2017 Til Íslensku bókmenntaverðlaunanna fyrir Kóngulær í sýningargluggum
- 2015 Til Menningarverðlauna DV fyrir Flækinginn
- 2012 Til Íslensku bókmenntaverðlaunanna fyrir Millu
- 2011 Til Útvarpsverðlauna Grímunnar fyrir Í speglinum sefur kónguló
- 2008 Til Menningarverðlauna DV fyrir Sjáðu fegurð þína
- 2008 Til Útvarpsverðlauna Grímunnar fyrir Smásögur
- 2001 Til Norrænu útvarpsleikritaverðlaunanna fyrir Margréti miklu
- 1999 Til Bókmenntaverðlauna Norðurlandaráðs fyrir Elskan mín ég dey
- 1999 Til Menningarverðlauna DV fyrir Lokaðu augunum og hugsaðu um mig
- 1998 Til Norrænu leikskáldaverðlaunanna fyrir Ástarsögu 3
- 1997 Til Íslensku bókmenntaverðlaunanna fyrir Elskan mín ég dey
- 1995 Til Íslensku bókmenntaverðlaunanna fyrir Dyrnar þröngu
Þýðingar
(í vinnslu)
- 2020 Spindlar i skyldfönstren (John Swedenmark þýddi á sænsku)
- 2018 Evige spejlinger : videnskabelige observationer (Nina Søs Vinther og Olga Sigþórsdóttir þýddu á dönsku)
- 2018 Waitress in fall (Vala Þóroddsdóttir valdi ljóðin og þýddi á ensku)
- 2018 Shtëpia e fëmijëve : në Reindeer woods (Elisa Ivanaj þýddi á albönsku)
- 2018 Omstrejferen (Niels Rask Vendelbjerg þýddi á dönsku)
- 2014 Meu amor, eu morro (Elías Portela þýddi á galisísku)
- 2012 Children in Reindeer woods (Lytton Smith þýddi á ensku)
- 2007 Här (Ann-Sofie Axelsson þýddi á sænsku)
- 2003 Gud hjälpe mig I och II (Ann-Sofie Anderson þýddi á sænsku)
- 2003 T'es pas la seule à être morte! (Éric Boury þýddi á frönsku)
- 1999 Älskling jag dör (Ann-Sofie Axelsson þýddi á sænsku)
- 1994 Olipa kerran tarinoita (Tuuva Tuula þýddi á finnsku)
