Magnea J. Matthíasdóttir
Magnea Jóhanna Matthíasdóttir er fædd 13. janúar 1953.
Magnea er rithöfundur og mikilvirkur þýðandi. Hún vakti fyrst athygli með ljóðabókinni Kopar árið 1976 og síðan þríleiknum Hægara pælt en kýlt 1978, Göturæsiskandídatar 1979 og Sætir strákar 1981, sem allar fjalla um litríkt líf ungs fólks í Reykjavík.
Smásögur eftir Magneu hafa birst í bókum, safnritum og tímaritum, til dæmis í Draumi um veruleika 1977 og Ég elska þig, frásagnir af æskuástum 1990 og ljóð hennar hafa meðal annars birst í Tímariti Máls og menningar, Lebók Morgunblaðsins, Samvinnunni, Stínu og Perlum úr ljóðum íslenskra kvenna (2000). Fjöldi greina eftir hana hafa birst í blöðum og tímaritum.
Magnea samdi barnasögur fyrir útvarp; Ævintýrið um Agúrku prinsessu (1991), Sykurskrímslið flytur (1975) og Babú og bleika lestin (1971). Þá sá hún einnig um viðtalsþætti í útvarpi; Hárlos (1982) og Fæddur, skírður (1983). Þá hefur hún þýtt söngleiki, s.s. Dirty Dancing (1999), Mambo Kings (1998), Saturday Night Fever (1997), Cats (1996) og Sætabrauðskallinn (1982-1988). Einnig samdi hún leikverk (ásamt Benóný Ægissyni); söngleikinn Halló, litla þjóð (1987) og kabarettinn Reykjavíkurblús (1983).
Auk þess hefur Magnea þýtt fjölmargar teiknimyndir fyrir börn, m.a. Valhöll (1986), Aladdin (1993), Stúart litli 2 (2002), Ísöld (2002), Pabbi passar (2003), Öskubuska (1998), Rúðólfur með rauða nefið 1 og 2 (2001 og 2002), Jólaævintýri Dickens (2002), Undrabúðingurinn (2003), Ævintýri Tuma Þumals og Þulamlínu (2003). Einnig Brakúla, Sögur úr Andabæ, Ævintýri Lísu í Undralandi, Cubix, Loony Tunes, Addi Paddi, Snjóbörn o.fl. Ennfremur þýðingar á fjölmörgum barnasögum og ævintýrum fyrir prentmiðla og útvarp, þýðingar á framhaldssögum í vikuritum og þýðingar á „sjoppubókmenntum“, til dæmis fyrstu bókum í bókaröð um Mark Bolan.
Lokaritgerð Magneu til meistaraprófs (2013) fjallar um þátt þýðinga í mótun og þróun fjölkerfis íslenskra bókmennta, einkum með hliðsjón af þýðingum á glæpasögum og öðru afþreyingarefni frá blómaskeiði tímaritaútgáfu á síðari hluta 19. aldar til kiljuútgáfu á 21. öld.
Árið 2013 varð Magnea fyrsta konan til að gegna formennsku í Bandalagi þýðenda og túlka. Hún er iðin við kolann og geta fáir þýðendur státað af álíka afköstum og hún. Hún skrifar á knuz.is, hefur verið stundakennari í þýðingafræði við HÍ og býr í Reykjavík.
Hér má heyra spjall á rúv við Magneu
Ritaskrá
- 2023 Þar sem malbikið endar
- 2015 Alice: Now a Classic in Iceland. (Ásamt Gauta Kristmannssyni o.fl., birt í Alice in a World of Wonderlands. The Translations of Lewis Carroll's Masterpiece)
- 2008 Jólasveinar. Af fjöllum í fellihýsi (barnabók)
- 1991 Ævintýrið um Agúrku prinsessu (barnasaga fyrir RUV)
- 1987 Halló, litla þjóð (söngleikur, ásamt Benoný Ægissyni)
- 1983 Reykjavíkurblús (kabarett, ásamt Benoný Ægissyni)
- 1981 Sætir strákar
- 1979 Göturæsiskandídatar
- 1978 Hægara pælt en kýlt
- 1976 Kopar
- 1975 Sykurskrímslið flytur (barnasaga fyrir RUV)
- 1971 Babú og bleika lestin (barnasaga fyrir RUV)
Verðlaun og viðurkenningar
- 2018 Til Barnabókaverðlauna Reykjavíkurborgar fyrir Kvöldsögur fyrir uppreisnargjarnar stelpur
- 2016 Til Heiðurslista IBBY fyrir þýðingu á Afbrigði
- 2012 Til Barnabókaverðlauna skóla- og frístundaráðs Reykjavíkur fyrir þýðingu á Hungurleikunum
Þýðingar
- 2018 Merete Pryds Helle: Það sem að baki býr
- 2018 Nikolaj Cederholm: Einræðisherrann (leikrit)
- 2018 Fran Bailey, Zia Allaway: Hagnýta plöntubókin
- 2018 Joel Levy: Framtíðarheimur
- 2018 Dalai Lama, Desmond Tutu og Douglas Abrams: Bók um gleði
- 2018 Rikke Wölck: Ég heiti Guðrún (leikrit)
- 2017 E .O. Chirovici: Speglabókin
- 2017 Elena Favilli og Francesca Cavallo: Kvöldsögur fyrir uppreisnargjarnar stelpur: 100 magnaðar konur
- 2016 John Ajvide Lindqvist: Hleyptu þeim rétta inn (leikrit)
- 2016 Jessie Burton: Smámyndasmiðurinn
- 2016 Liz Pichon: Tommi Teits. Ágætar afsakanir (og margt annað gott) (barnabók)
- 2015 Dorothy Koomson: Rótlaus
- 2015 M.R. Carey: Stúlkan með náðargjafirnar
- 2014 Veronica Roth: Arfleifð
- 2014 Veronica Roth: Andóf
- 2014 Lauren Oliver: Óreiða
- 2013 Veronica Roth: Afbrigði
- 2013 Jodi Picoult: Sáttmálinn, ástarsaga
- 2012 Suzanne Collins: Hermiskaði
- 2012 Jodi Picoult: Reglur hússins
- 2012 James Patterson og Maxine Paetro: Sjöundi himinn
- 2012 James Patterson og Michael Ledwidge: Feluleikur
- 2011 Suzanne Collins: Hungurleikarnir
- 2011 Stephenie Meyer: Dögun
- 2010 Judy Blundell: Það sem ég sá og hvernig ég laug
- 2010 Stephenie Meyer: Myrkvun
- 2010 James Patterson og Maxine Paetro: Fyrirsætumorðin
- 2009 Tracy Cox: Litla lostaboxið
- 2009 James Patterson og Maxine Paetro: Sjötta skotmarkið
- 2008 Alison Maloney: Álfar (barnabók)
- 2008 Stephenie Meyer: Ljósaskipti
- 2008 James Patterson og Michael Ledwidge: Sjortarinn
- 2007 James Patterson og Maxine Paetro: Fimmti riddarinn
- 2007 Alice Sebold: Skyggður máni
- 2006 Diane Setterfield: Þrettánda sagan
- 2006 James Patterson og Maxine Paetro: 4. júlí
- 2005 James Patterson og Howard Roughan: Hveitibrauðsdagar
- 2005 Elizabeth Kostova: Sagnfræðingurinn
- 2004 James Patterson: Þriðja gráða
- 2004 Ian Caldwell og Dustin Thomason: Belladonnaskjalið
- 2004 Tracey Cox: Súperflört
- 2003 James Patterson: Annað tækifæri
- 2002 Petter Wallace: Snjóbörnin, litli Bylur (barnabók)
- 1999 Bob Greene og Oprah Winfrey: Lífið í jafnvægi: tíu skref til betri líkama og betra lífs
- 1992 Virginia Ironside: Draugurinn í skólanum (barnabók)
- 1992 Hammond Innes: Árás í aðsigi
- 1991 Hammond Innes: Á köldum klaka
- 1990 Lawrence Sanders: Leikur Timothys
- 1990 Hammond Innes: Hættuspil
- 1989 Hammond Innes: Háskaleg áætlun
- 1989 C. David Heymann: Kona að nafni Jackie
- 1989 Brian Inglis, Ruth West o.fl.: Bókin um náttúrulækningar
- 1989 Anne Tyler: Á faraldsfæti
- 1988 Catherine Gaskin: Eign aðalsmanns
- 1988 Hammond Innes: Vopnasmygl og valdarán
- 1987 Barbara Taylor Bradford: Af ráðnum hug
- 1987 David Morrell: Sendiboðar næturinnar
- 1987 Phyllis A. Whitney: Aldrei of seint
- 1986 Phyllis A. Whitney: Blekkingavefur
- 1983 Phyllis A. Whitney: Ekki er allt sem sýnist
- 1982 Phyllis A. Whitney: Ómur fortíðar
- 1982 Lilli Palmer: Í faðmi örlaganna
- 1978 Herdís Möllehave: Le
- án árs Abena Darko: Þjóðsögur frá Gana
