Sigurbjörg Þrastardóttir
Sigurbjörg Þrastardóttir er fædd 27. ágúst árið 1973 á Akranesi.
Sigurbjörg lauk B.A.-prófi í almennri bókmenntafræði frá Háskóla Íslands 1997 og prófi í hagnýtri fjölmiðlun frá sama skóla 1998.
Sigurbjörg starfaði um árabil sem blaðamaður á Morgunblaðinu.
Fyrsta bók Sigurbjargar, ljóðabókin Blálogaland, kom út árið 1999 en síðan hefur hún sent frá sér fleiri ljóðabækur, leikrit og prósaverk.
Sigurbjörg hefur gefið út tvær skáldsögur, Stekk (2012) og Sólar sögu, en sú síðarnefnda hlaut Bókmenntaverðlaun Tómasar Guðmundssonar þegar hún kom út árið 2002.
Sigurbjörg hefur fengið fleiri viðurkenningar fyrir verk sín, meðal annars var ljóðabókin Hnattflug valin besta ljóðabók ársins af starfsfólki bókaverslana árið 2000, ljóðsagan Blysfarir hlaut Fjöruverðlaunin 2008 og Brúður var tilnefnd til Menningarverðlauna DV 2010.
Ljóð Sigurbjargar hafa verið þýdd á ein tólf tungumál í tengslum við bókmenntaþing, ljóðahátíðir og útgáfu safnrita um Evrópu þvera. Af annars konar verkefnum má nefna bókverkið IS(not) sem Sigurbjörg vann í félagi við fjóra aðra höfunda og fimm pólska ljósmyndara, margvíslega gjörninga með Metropoetica-hópnum og textagerð fyrir íslensk tónskáld.
Ritaskrá
- 2022 Krossljóð: þýdd og frumort
- 2020 Mæður geimfara
- 2018 Hryggdýr
- 2016 Óttaslegni trompetleikarinn
- 2014 Kátt skinn (og Gloría)
- 2014 Hestaferð í hundrað og einn
- 2013 Bréf frá borg dulbúinna storma
- 2012 Stekk
- 2010 Brúður
- 2010 Húfulaus her: jólasveinasögur
- 2007 Blysfarir
- 2005 Hreindýr og ísbjörn óskast
- 2004 Þrjár Maríur
- 2003 Túlípanafallhlífar
- 2002 Sólarsögu
- 2000 Hnattflug
- 1999 Blálogaland
Verðlaun og viðurkenningar
- 2008 Fjöruverðlaunin fyrir Blysfarir
- 2002 Bókmenntaverðlaun Tómasar Guðmundssonar fyrir Sólar sögu
- 2000 Hnattflug valin besta ljóðabók ársins af starfsfólki bókaverslanna
Tilnefningar
- 2010 Tilnefnd til Menningarverðlauna DV fyrir Brúður
- 2009 Tilnefnd til Bókmenntaverðlauna Norðurlandaráðs fyrir Blysfarir
Þýðingar
(í vinnslu)
Þýðingar á verkum Sigurbjargar:
- 2021 Cicatrici (Silvia Cosimini þýddi á ítölsku)
- 2020 Dostava do doma ( Julijana Velichkovska þýddi á makedónsku)
- 2018 W moim wnętrzu ryba pływa = Inside me swims a fish = Inni í mér syndir fiskur (þrímála útgáfa, Jacek Godek þýddi á pólsku, Bernard Scudder þýddi á ensku)
- 2018 Poesis international (Daniela Mărculet þýddi á rúmensku)
- 2015 Fackeltåg (John Swedenmark þýddi á sænsku)
- 2011 Fackelzüge (Kristof Magnusson þýddi á þýsku)
- 2008 To bleed straight (Bernard Schudder þýddi á ensku)
- 2004 Fallskärmsresor : urval dikter från Túlípanafallhlífar och Hnattflug (Helen Halldórsdóttir þýddi á sænsku)
Þýðingar eftir Sigurbjörgu:
- 2019 Simon Armitage: Þaðan sem við horfum
